ബം​ഗാൾ മുൻ മുഖ്യമന്ത്രി ബുദ്ധദേബ് ഭട്ടാചാര്യ ​ഗുരുതരാവസ്ഥയിൽ

കൊൽക്കത്ത: ദക്ഷിണ കൊൽക്കത്തയിലെ ആശുപത്രിയിൽ പ്രവേശിപ്പിച്ച മുൻ പശ്ചിമ ബംഗാൾ മുഖ്യമന്ത്രി ബുദ്ധദേബ് ഭട്ടാചാര്യയുടെ ആരോഗ്യസ്ഥിതി ഗുരുതരാവസ്ഥയിലാണെന്ന് ബുധനാഴ്ച വൈകിട്ട് അധികൃതർ അറിയിച്ചു.

76 കാരനായ ഭട്ടാചാര്യയെ ഗുരുതര പരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്. മെക്കാനിക്കൽ വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തുന്നത്. ശ്വസന സംബന്ധമായ പ്രശ്നങ്ങൾ രൂക്ഷമായതിനാൽ ഉച്ചകഴിഞ്ഞാണ് അദ്ദേഹത്തെ ഗുരുതര പരിചരണ വിഭാഗത്തിൽ പ്രവേശിപ്പിച്ചത്.

ഭട്ടാചാര്യയുടെ ആർ‌ടി-പി‌സി‌ആർ പരിശോധനയിൽ അദ്ദേഹം കൊവിഡ് നെഗറ്റീവ് ആണ്. ആവർത്തിച്ചുള്ള പരിശോധനയിൽ ഓക്സിജന്റെ അളവും കുറഞ്ഞ പിഎച്ച് നിലയും കാണിച്ചു. തുടർന്ന് കുടുംബാംഗങ്ങളുടെ സമ്മതത്തിന് ശേഷം അദ്ദേഹത്തെ വെന്റിലേറ്ററിലേക്ക് മാറ്റുകയായിരുന്ന.

2000 മുതൽ 2011 വരെ പശ്ചിമ ബംഗാളിലെ മുഖ്യമന്ത്രിയായിരുന്ന ഭട്ടാചാര്യ കുറച്ചുകാലമായി സിഒപിഡി (വിട്ടുമാറാത്ത ശ്വാസകോശരോഗങ്ങൾ), വാർദ്ധക്യ സംബന്ധമായ അസുഖങ്ങൾ എന്നിവയാൽ ബുദ്ധിമുട്ടുന്നു. ആരോഗ്യം കാരണം കഴിഞ്ഞ കുറച്ച് വർഷങ്ങളായി അദ്ദേഹം പൊതുജീവിതത്തിൽ നിന്ന് മാറിനിൽക്കുകയാണ്.

2015 ൽ സിപിഎം പോളിറ്റ് ബ്യൂറോയിൽ നിന്നും കേന്ദ്ര കമ്മിറ്റിയിൽ നിന്നും സ്ഥാനമൊഴിഞ്ഞ അദ്ദേഹം 2018 ൽ സംസ്ഥാന സെക്രട്ടേറിയറ്റ് അംഗത്വത്തിൽ നിന്നും ഒഴിഞ്ഞിരുന്നു. മുഖ്യമന്ത്രി മമത ബാനർജി ആശുപത്രി സന്ദർശിച്ച് ഭട്ടാചാര്യയുടെ ആരോഗ്യസ്ഥിതിയെക്കുറിച്ച് അന്വേഷിച്ചു.