ലഖ്‌നോ: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി അമേഥിയില്‍ പത്രിക സമര്‍പ്പിച്ചു. മാതാവും യുപിഎ അധ്യക്ഷയുമായ സോണിയാ ഗാന്ധി, സഹോദരി പ്രിയങ്ക ഗാന്ധി, റോബര്‍ട്ട് വദ്ര എന്നിവര്‍ ഒപ്പമുണ്ടായിരുന്നു. പത്രിക സമര്‍പ്പിക്കുന്നതിന് മുമ്പായി മുന്‍ഷിഗഞ്ജില്‍ നിന്ന് ഗൗരിഗഞ്ച് വരെ ആയിരങ്ങള്‍ അണിനിരന്ന റോഡ് ഷോ നടത്തി. നേരത്തേ രാഹുല്‍ കേരളത്തിലെ വയനാട് മണ്ഡലത്തിലും പത്രിക നല്‍കിയിരുന്നു. ഇന്ന് ബിഹാറിലും വെസ്റ്റ് ബംഗാളിലും നടക്കുന്ന രണ്ടു റാലികളില്‍ രാഹുല്‍ പ്രസംഗിക്കും.