ഏകനാഥ് ഗെയ്ക്ക് വാദ് മുംബൈ കോണ്ഗ്രസ് വര്ക്കിങ് പ്രസിഡന്റ്
മുംബൈ കോണ്ഗ്രസ് അധ്യക്ഷ സ്ഥാനത്തുനിന്ന് മിലിന്ദ് ദിയോറ രാജിവച്ച് മൂന്നാഴ്ചയ്ക്കു ശേഷമാണ് നിയമനം
മുംബൈ: മുന് എംഎല്എ ഏകനാഥ് ഗെയ്ക്ക് വാദിനെ മുംബൈ മേഖലാ കോണ്ഗ്രസ് വര്ക്കിങ് പ്രസിഡന്റായി നിയമിച്ചു. എഐസിസി ജനറല് സെക്രട്ടറി കെ സി വേണുഗോപാലാണ് പ്രസ്താവനയില് ഇക്കാര്യം അറിയിച്ചത്. മുംബൈ കോണ്ഗ്രസ് അധ്യക്ഷ സ്ഥാനത്തുനിന്ന് മിലിന്ദ് ദിയോറ രാജിവച്ച് മൂന്നാഴ്ചയ്ക്കു ശേഷമാണ് നിയമനം. മുംബൈ സൗത്ത് സെന്ട്രല് എംഎല്എയായിരുന്ന ഗെയ്ക്ക് വാദ് കഴിഞ്ഞ ലോക്സഭാ തിരഞ്ഞെടുപ്പില് പരാജയപ്പെട്ടിരുന്നു. മൂന്നുതവണ ധാരാവിയില് നിന്നു വിജയിച്ച ഇദ്ദേഹം മഹാരാഷ്ട്ര സര്ക്കാരില് മന്ത്രിപദവിയും വഹിച്ചിരുന്നു.