പിജി വിദ്യാര്‍ഥി ഹോസ്റ്റല്‍ മുറിയില്‍ തൂങ്ങി മരിച്ച നിലയില്‍
ജീവിതം അവസാനിപ്പിക്കാന്‍ പോകുകയാണെന്ന് ഇടക്കിടക്ക് മന്യുകുമാര്‍ സഹോദരന്‍ ചന്ദ്രശേഖരനു മെസ്സേജ് അയച്ചിരുന്നു. ഹിന്ദി, മറാത്തി ഭാഷകള്‍ കൈകാര്യം ചെയ്യാനുള്ള ബുദ്ധിമുട്ട് മന്യുകുമാര്‍ നേരിട്ടിരുന്നതായി സഹപാഠികള്‍ പറഞ്ഞു.
നാഗ്പൂര്‍: ഇന്ദിരാഗാന്ധി സര്‍ക്കാര്‍ മെഡിക്കല്‍ കോളജ് പിജി വിദ്യാര്‍ഥി ഹോസ്റ്റല്‍ മുറിയില്‍ തൂങ്ങി മരിച്ച നിലയില്‍. ഗൈനക്കോളജി വിഭാഗം വിദ്യാര്‍ഥിയായ കര്‍ണാടക ഹാവേരി സ്വദേശി മന്യുകുമാര്‍വൈദ്യയെയാണ് ഇന്നലെ തുങ്ങിമരിച്ച നിലയില്‍ കണ്ടെത്തിയത്. മേയ് രണ്ടിന്നാണ് മന്യുകുമാര്‍ കോളജില്‍ ചേര്‍ന്നത്.
മന്യുകുമാര്‍ കടുത്ത മാനസിക സമ്മര്‍ദം അനുഭവിച്ചിരുന്നതായി സുഹൃത്തുക്കള്‍ പറഞ്ഞു. ജീവിതം അവസാനിപ്പിക്കാന്‍ പോകുകയാണെന്ന് ഇടക്കിടക്ക് മന്യുകുമാര്‍ സഹോദരന്‍ ചന്ദ്രശേഖരനു മെസ്സേജ് അയച്ചിരുന്നു. ഹിന്ദി, മറാത്തി ഭാഷകള്‍ കൈകാര്യം ചെയ്യാനുള്ള ബുദ്ധിമുട്ട് മന്യുകുമാര്‍ നേരിട്ടിരുന്നതായി സഹപാഠികള്‍ പറഞ്ഞു. രോഗികളോട് ആശയവിനിമയം നടത്താനും ബുദ്ധിമുട്ടിയിരുന്നു മന്യുകുമാര്‍. സംഭവത്തില്‍ കേസ് രജിസ്റ്റര്‍ ചെയ്‌തെന്നും അന്വേഷണം തുടങ്ങിയതായും പോലിസ് പറഞ്ഞു.