ഗോവയില് ഇഞ്ചോടിഞ്ച് പോരാട്ടമെന്ന് എക്സിറ്റ് പോള് സര്വേകള്
ഇന്ത്യ ടുഡേ ആക്സിസ് മൈ ഇന്ത്യ സര്വേയില് കോണ്ഗ്രസിന് വ്യക്തമായ ആധിപത്യം പ്രവചിക്കുന്നു.
പനാജി: ഗോവയില് ബിജെപിക്കും കോൺഗ്രസിനും ഇഞ്ചോടിഞ്ച് പോരാട്ടമെന്ന് എക്സിറ്റ് പോള് സര്വേകള്. ഭരണകക്ഷിയായ ബിജെപിയും കോണ്ഗ്രസും 13 മുതല് 17 സീറ്റുകള് വരെ നേടാമെന്ന് റിപബ്ലിക് ടിവി എക്സിറ്റ് പോള് പ്രവചിച്ചു. തൃണമൂല് കോണ്ഗ്രസിന് നാലും മറ്റുള്ളവര്ക്ക് രണ്ട് സീറ്റുമാണ് ലഭിക്കുകയെന്നാണ് റിപബ്ലിക് ടിവി പ്രവചനം.
അതേസമയം, ടൈസ് നൗ വീറ്റോ എക്സിറ്റ് പോളില് കോണ്ഗ്രസിനാണ് മുന്തൂക്കം. കോണ്ഗ്രസ് 16 സീറ്റ് നേടി വലിയ ഒറ്റകക്ഷിയാകുമെന്നും ഭരണകക്ഷിയായ ബിജെപിക്ക് 14 സീറ്റുകള് മാത്രമാണ് നേടാനാകുകയെന്നും ടൈംസ് നൗ പ്രവചിച്ചു. ആംആദ്മി പാര്ട്ടിക്ക് നാല് സീറ്റാണ് ഗോവയില് ടൈംസ് നൗവിന്റെ പ്രവചനം.
ഇന്ത്യ ടുഡേ ആക്സിസ് മൈ ഇന്ത്യ സര്വേയില് കോണ്ഗ്രസിന് വ്യക്തമായ ആധിപത്യം പ്രവചിക്കുന്നു. 14 മുതല് 18 സീറ്റ് വരെ ബിജെപിക്ക് പ്രവചിച്ചപ്പോള് 15-20 സീറ്റുവരെ കോണ്ഗ്രസ് നേടിയേക്കാം. കഴിഞ്ഞ തവണ 17 സീറ്റ് നേടിയ കോണ്ഗ്രസ് ഏറ്റവും വലിയ ഒറ്റകക്ഷിയായെങ്കിലും 13 സീറ്റ് നേടിയ ബിജെപിയാണ് സര്ക്കാര് രൂപീകരിച്ചത്.