മാവോവാദികളുടെ ഐഇഡി സ്ഫോടനത്തിൽ ഒരാൾ മരിച്ചു, 11 പേർക്ക് പരിക്കേറ്റു

ദന്തേവാഡ: ഛത്തീസ്ഗഡിലെ ദന്തേവാഡ ജില്ലയിലെ ഘോട്ടിയയിൽ വ്യാഴാഴ്ച രാവിലെ മാവോവാദികൾ നടത്തിയ ഐഇഡി സ്ഫോടനത്തിൽ ഒരാൾ കൊല്ലപ്പെടുകയും 11 പേർക്ക് പരിക്കേൽക്കുകയും ചെയ്തു. വ്യാഴാഴ്ച്ച രാവിലെ 7:30 ഓടെയാണ് മലേവാഡി പോലിസ് സ്റ്റേഷൻ പരിധിയിലാണ് സംഭവം.

ദന്തേവാഡ പോലിസ് സ്ഥലത്തെത്തി, പരിക്കേറ്റവരെ ആശുപത്രിയിലേക്ക് മാറ്റിയെന്ന് ദന്തേവാഡ എസ്പി പറഞ്ഞു. സ്ഫോടനത്തിൽ എസ് യു വിയിൽ സഞ്ചരിച്ചിരുന്ന നാല് തൊഴിലാളികളിൽ ഒരാളാണ് കൊല്ലപ്പെട്ടത്. മൂന്നുപേരുടെ നില ​ഗുരുതരമാണ്.

തെലങ്കാനയിൽ നിന്ന് ബലാഘട്ടിലേക്ക് പോവുകയായിരുന്ന വാഹനത്തിന് നേർക്കാണ് സ്ഫോടനമുണ്ടായത്. നാരയൺപൂരിനെയും ദന്തേവാഡയേയും ബന്ധിപ്പിക്കുന്ന വനത്തിനകത്തൂടെയുള്ള നിർമാണത്തിലിരിക്കുന്ന റോഡിലാണ് മാവോവാദികൾ ഐഇഡി സ്ഫോടനം നടത്തിയതെന്നും പോലിസ് പറഞ്ഞു.