ലഖ്നൗ: പിറന്നാളാഘോഷത്തിനിടെ വേദിയില് മുഖമടച്ചുവീഴുന്ന ബിജെപി നേതാവും മുന് കൈസര്ഗഞ്ച് എംപിയുമായ ബ്രിജ് ഭൂഷണ് ശരണ് സിങ്ങിന്റെ വീഡിയോയാണ് സമൂഹമാധ്യമങ്ങളില് വൈറലായിക്കൊണ്ടിരിക്കുന്നത്.വ്യാഴാഴ്ച ഗോണ്ട ജില്ലയിലെ നന്ദാനി നഗറില് നടന്ന ഭൂഷന്റെ 69-ാം ജന്മദിനാഘോഷത്തിനിടെയാണ് സംഭവം.
എട്ട് ദിവസത്തെ രാഷ്ട്ര കഥാ മഹോല്സവത്തിന്റെ ഭാഗമായിരുന്നു ഈ പരിപാടി. മതനേതാവ് റിതേശ്വര് മഹാരാജിനെ സമ്മേളനത്തിലേക്ക് ക്ഷണിച്ചിരുന്നു. പരിപാടിയില് പങ്കെടുക്കാന് വലിയൊരു ജനക്കൂട്ടം തന്നെ വേദിക്ക് മുന്നില് തടിച്ചുകൂടിയിരുന്നു.ബ്രിജ് ഭൂഷണ് വേദിയിലേക്ക് കയറാന് ശ്രമിക്കുന്നതിനിടെ പെട്ടെന്ന് ബാലന്സ് നഷ്ടപ്പെട്ട് മുഖമടച്ചു വീഴുകയായിരുന്നു. സമീപത്ത് നിന്നിരുന്ന സുരക്ഷാ ഉദ്യോഗസ്ഥര് അദ്ദേഹത്തെ രക്ഷിക്കാന് ശ്രമിച്ചെങ്കിലും അദ്ദേഹം വീഴുന്നത് തടയാന് കഴിഞ്ഞില്ല. എന്നിരുന്നാലും, വീണയുടനെ ബ്രിജ്ഭൂഷണ് ശരണ് എഴുന്നേറ്റു നിന്ന് പുഞ്ചിരിക്കുന്നതും ദൃശ്യങ്ങളിലുണ്ട്. വീഡിയോ സമൂഹമാധ്യമങ്ങളില് പ്രചരിച്ചതിന് പിന്നാലെ നിരവധി പേരാണ് ബ്രിജ് ഭൂഷണെ പരിഹസിച്ച് രംഗത്തെത്തിയത്.
उत्तर प्रदेश के गोंडा जिले में 'राष्ट्रकथा' के मंच पर बृजभूषण शरण सिंह मुंह के बल गिर पड़े। यह कार्यक्रम नंदिनी नगर निकेतनम् के प्रांगण में आयोजित हो रहा था, जिसमें सद्गुरु रितेश्वर महाराज मुख्य वक्ता के रूप में उपस्थित थे।#BrijBhushanSharanSingh #SadhguruRiteshwarMaharaj pic.twitter.com/sSzJXhwPCd
— Molitics (@moliticsindia) January 9, 2026
ഗുസ്തി ഫെഡറേഷന് മുന് അധ്യക്ഷന് കൂടിയായ ബ്രിജ് ഭൂഷണ് വനിത ഗുസ്തി താരങ്ങളെ ലൈംഗികമായി പീഡിപ്പിച്ചതായി ആരോപണം നേരിട്ടിരുന്നു. 2023ലാണ് ഒളിമ്പ്യന് ഗുസ്തി താരം വിനേഷ് ഫോഗട്ട്, ഒളിമ്പിക് വെങ്കല മെഡല് ജേതാക്കളായ ബജ്റംഗ് പുനിയ, സാക്ഷി മാലിക് എന്നിവര് അദ്ദേഹത്തിനെതിരെ അന്വേഷണം ആവശ്യപ്പെട്ട് ആഴ്ചകളോളം പ്രതിഷേധിച്ചിരുന്നു. താരങ്ങളുടെ പ്രതിഷേധം കനത്തതോടെ ഡല്ഹി പോലിസ് 2023 ജൂണില് കേസ് രജിസ്റ്റര് ചെയ്യുകയും പിന്നാലെ ജാമ്യം ലഭിക്കുകയും ചെയ്തു.