മേഘാലയില്‍ കനത്ത മഴ; പാലം ഒഴുകി പോയി

വ്യാഴാഴ്ച പുലര്‍ച്ചെ ഗാരോ ഹില്‍സിലെ രണ്ട് സ്ഥലങ്ങളില്‍ ഉണ്ടായ മണ്ണിടിച്ചിലില്‍ ഒരു കുടുംബത്തിലെ മൂന്ന് അംഗങ്ങളും രണ്ടുവയസുകാരനും മരിച്ചു.

Update: 2022-06-09 18:31 GMT

ഗുവഹാത്തി: മേഘാലയില്‍ കനത്ത മഴയെ തുടര്‍ന്ന ജനജീവിതം ദുരിതത്തില്‍. മഴയെ തുടര്‍ന്ന് ഈവര്‍ഷം നിരവധി പേര്‍ മരിക്കുകയും നിരവധി പേരെ മാറ്റിപ്പാര്‍പ്പിക്കുകയും ചെയ്തു.

വ്യാഴാഴ്ച പുലര്‍ച്ചെ ഗാരോ ഹില്‍സിലെ രണ്ട് സ്ഥലങ്ങളില്‍ ഉണ്ടായ മണ്ണിടിച്ചിലില്‍ ഒരു കുടുംബത്തിലെ മൂന്ന് അംഗങ്ങളും രണ്ടുവയസുകാരനും മരിച്ചു. അതിനിടെ കനത്ത മഴയില്‍ സൗത്ത് ഗാരോ ഹില്‍സിലെ ബുഗി നദിക്ക് കുറുകെയുള്ള പാലം ഒലിച്ചുപോകുകയും ചെയ്തു. ഗാരോ ഹില്‍സിലെ മൂന്നാമത്തെ വലിയ നദിയാണ് ബുഗി.

നാളെയും മറ്റന്നാളും അരുണാചല്‍ പ്രദേശിലും അടുത്ത അഞ്ച് ദിവസങ്ങളില്‍ അസമിലും മേഘാലയയിലും ഒറ്റപ്പെട്ട അതിശക്തമായ മഴ പെയ്യാന്‍ സാധ്യതയുണ്ടെന്നാണ് കാലാവസ്ഥ വകുപ്പിന്റെ മുന്നറിയിപ്പ്.