സഹപ്രവര്‍ത്തകയെ ലൈംഗികമായി പീഡിപ്പിച്ച പോലിസ് ഉദ്യോഗസ്ഥൻ അറസ്റ്റിൽ
വിദിഷ ജില്ലയിലെ നസീറാബാദ് പോലിസ് സ്‌റ്റേഷനിലായിരുന്നു ആനന്ദ് ഗൗതമും യുവതിയും ജോലി ചെയ്തിരുന്നത്. ജൂണ്‍ 15നാണ് കേസിനാസ്പദമായ സംഭവം നടന്നത്.
ഭോപ്പാല്‍: സഹപ്രവര്‍ത്തകയെ ലൈംഗികമായി പീഡിപ്പിച്ച പോലിസ് ഉദ്യോഗസ്ഥൻ അറസ്റ്റിൽ. മധ്യപ്രദേശ് തലസ്ഥാനമായ ഭോപ്പാലിലെ വിദിഷിയിലാണ് സംഭവം. യുവതിയുടെ പരാതിയില്‍ വിദിഷിയിലെ സിവില്‍ പോലിസ് ഉദ്യോഗസ്ഥനായ ആനന്ദ് ഗൗതമിനെതിരേയാണ് കേസെടുത്തിരിക്കുന്നത്.
വിദിഷ ജില്ലയിലെ നസീറാബാദ് പോലിസ് സ്‌റ്റേഷനിലായിരുന്നു ആനന്ദ് ഗൗതമും യുവതിയും ജോലി ചെയ്തിരുന്നത്. ജൂണ്‍ 15നാണ് കേസിനാസ്പദമായ സംഭവം നടന്നത്. ജോലിക്ക് ശേഷം ആനന്ദിനൊപ്പം സഹോദരിയെ കാത്ത് നില്‍ക്കുകയായിരുന്നു യുവതി. ശാരീരിക അസ്വസ്ഥത തോന്നി ബാത്ത്റൂമില്‍ പോകണമെന്ന് പറഞ്ഞ യുവതിയെ ആനന്ദ് അടുത്തുള്ള ഹോട്ടലിലേക്ക് കൂട്ടിക്കൊണ്ടു പോവുകയായിരുന്നു.
ആനന്ദ് ഹോട്ടലില്‍ മുറിയെടുത്ത് മയക്കു മരുന്ന് നല്‍കി മയക്കി പീഡിപ്പിക്കുകയായിരുന്നുവെന്നാണ് യുവതി പോലിസിന് നല്‍കിയ പരാതിയില്‍ പറയുന്നത്. പീഡന ദൃശ്യങ്ങള്‍ പ്രചരിപ്പിക്കുമെന്നും ലൈംഗിക ബന്ധത്തിന് വിസമ്മതിച്ചാല്‍ മുഖത്ത് ആസിഡ് ഒഴിക്കുമെന്ന് നിരന്തരമായി ഭീഷണിപ്പെടുത്തിയിരുന്നതായും യുവതി പോലിസിനോട് പറഞ്ഞു.