ന്യൂഡല്ഹി: മുസ്ലിം വിവാഹ- വിവാഹ മോചന രജിസ്ട്രേഷന് ആക്ട് റദ്ദാക്കി അസം സര്ക്കാര്. അസം സര്ക്കാര് പ്രത്യേക മന്ത്രിസഭാ യോഗം ചേര്ന്നാണ് മുസ്ലിം വിവാഹ- വിവാഹ മോചന രജിസ്ട്രേഷന് ആക്ട് റദ്ദാക്കാന് തീരുമാനിച്ചത്. ഉത്തരാഖണ്ഡിന് പിന്നാലെ ഏക സിവില് കോഡ് നടപ്പാക്കുന്നതിന് മുന്നോടിയായാണ് മുസ്ലിം വിവാഹ നിയമം റദ്ദാക്കിയ നടപടി. മുസ്ലിം വിവാഹ നിയമം റദ്ദാക്കിയാലും സ്പെഷ്യല് മാര്യേജ് ആക്ട് പ്രകാരം വിവാഹങ്ങള് രജിസ്റ്റര് ചെയ്യാമെന്നാണ് അസം സര്ക്കാര് വ്യക്തമാക്കുന്നത്. ബഹുഭാര്യാത്വം തടയുന്നതിനുള്ള നിയമനിര്മ്മാണം ഉടനെന്നും അസം സര്ക്കാര് വ്യക്തമാക്കി. പുതിയ സര്ക്കാര് തീരുമാനത്തോടെ അസമില് ഇനി സ്പെഷ്യല് മാര്യേജ് ആക്ട് പ്രകാരം മാത്രമായിരിക്കും വിവാഹം രജിസ്റ്റര് ചെയ്യാനാകുക.