സിഖ് വിരുദ്ധ കലാപക്കേസ്: കോണ്‍ഗ്രസ് നേതാവ് സജ്ജന്‍കുമാറിന്റെ ഹരജി സുപ്രിംകോടതി ഇന്ന് പരിഗണിക്കും
ന്യുഡല്‍ഹി: സിഖ് വിരുദ്ധ കലാപക്കേസില്‍ കോണ്‍ഗ്രസ് നേതാവ് സജ്ജന്‍കുമാര്‍ നല്‍കിയ ഹരജി സുപ്രിംകോടതി ഇന്ന് പരിഗണിക്കും. ചീഫ് ജസ്റ്റിസ് രഞ്ജന്‍ ഗൊഗൊയ് അധ്യക്ഷനായ ബെഞ്ചാണ് കേസ് പരിഗണിക്കുന്നത്.
ഇന്ദിരാ ഗാന്ധി കൊല്ലപ്പെട്ടതിനെ തുടര്‍ന്നുണ്ടായ കലാപത്തില്‍ തെക്കന്‍ ഡല്‍ഹിയില്‍ അഞ്ച് സിഖുകാര്‍ കൊല്ലപ്പെട്ട കേസിലാണ് സജ്ജന്‍കുമാറിനെ ഡല്‍ഹി ഹൈക്കോടതി ജീവപര്യന്തം കഠിനതടവിന് ശിക്ഷിച്ചത്. അഞ്ചുപേര്‍ കൊല്ലപ്പെട്ട രാജ്‌നഗര്‍ പ്രദേശത്തെ എംപിയായിരുന്നു സജ്ജന്‍കുമാര്‍. മൂന്നുദിവസമായി നടന്ന കലാപത്തില്‍ ഡല്‍ഹിയില്‍നിന്ന് മാത്രം മുവായിരം പേര്‍ മരിച്ചിരുന്നു.