32 സ്പെഷ്യല് ട്രെയിനുകള്; കേരളത്തിലേക്ക് പ്രതിവാര ട്രെയിനുകള് പ്രഖ്യാപിച്ചു
തിരുവനന്തപുരം: ശബരിമല തീര്ഥാടക തിരക്ക് കണക്കിലെടുത്ത് 32 സ്പെഷ്യല് ട്രെയിനുകള് പ്രഖ്യാപിച്ച് റെയില്വേ. ചെന്നൈ, ഹൈദരാബാദ് തുടങ്ങിയ നഗരങ്ങളെ ബന്ധിപ്പിച്ചാണ് പുതിയ സര്വീസുകള്. നവംബര് 17 മുതല് ജനുവരി 25 വരെയാണ് ഈ ട്രെയിനുകള് സര്വീസ് നടത്തുക.
കാക്കിനട ടൗണ് - കോട്ടയം (07109) പ്രതിവാര സ്പെഷ്യല് ട്രെയിന് നവംബര് 17 മുതല് ജനുവരി 19 വരെയുള്ള തിങ്കളാഴ്ചകളില് സര്വീസ് നടത്തും. ഉച്ചയ്ക്ക് ഒരു മണിക്ക് പുറപ്പെടുന്ന ഈ ട്രെയിന് പിറ്റേദിവസം വൈകിട്ട് 5:30ന് കോട്ടയത്ത് എത്തും. ഇതിന്റെ തിരിച്ചുള്ള സര്വീസ്, കോട്ടയം - കാക്കിനട ടൗണ് പ്രതിവാര എക്സ്പ്രസ് സ്പെഷ്യല് (07110), നവംബര് 18 മുതല് ജനുവരി 20 വരെയുള്ള ചൊവ്വാഴ്ചകളില് ഓടും. രാത്രി 8:30ന് പുറപ്പെടുന്ന ട്രെയിന് പിറ്റേദിവസം രാത്രി കാക്കിനടയില് എത്തും.
ഹസൂര് സാഹിബ് നന്ദേഡ് - കൊല്ലം (07111) പ്രതിവാര എക്സ്പ്രസ് സ്പെഷ്യല് നവംബര് 20 മുതല് ജനുവരി 15 വരെയുള്ള വ്യാഴാഴ്ചകളില് സര്വീസ് നടത്തും. രാവിലെ 10 മണിക്ക് പുറപ്പെടുന്ന ട്രെയിന് മൂന്നാംദിവസം പുലര്ച്ചെ മൂന്നിന് കൊല്ലത്ത് എത്തും. കൊല്ലം - ഹസൂര് സാഹിബ് നന്ദേഡ് പ്രതിവാര എക്സ്പ്രസ് സ്പെഷ്യല് (07112) നവംബര് 22 മുതല് ജനുവരി 17 വരെയുള്ള ശനിയാഴ്ചകളില് ഓടും. പുലര്ച്ചെ 5:40ന് പുറപ്പെടുന്ന ട്രെയിന് പിറ്റേദിവസം രാത്രി 9:30ന് ഹസൂര് സാഹിബ് നന്ദേഡില് എത്തും.
ചര്ളപ്പള്ളി - കൊല്ലം (07113) പ്രതിവാര സ്പെഷ്യല് എക്സ്പ്രസ് നവംബര് 18 മുതല് ജനുവരി 13 വരെയുള്ള ചൊവ്വാഴ്ചകളില് സര്വീസ് നടത്തും. ഉച്ചയ്ക്ക് 11:20ന് പുറപ്പെടുന്ന ട്രെയിന് പിറ്റേദിവസം രാത്രി 10ന് കൊല്ലത്ത് എത്തും. കൊല്ലം - ചര്ളപ്പള്ളി പ്രതിവാര സ്പെഷ്യല് എക്സ്പ്രസ് (07114) നവംബര് 20 മുതല് ജനുവരി 15 വരെയുള്ള വ്യാഴാഴ്ചകളില് ഓടും. പുലര്ച്ചെ 2:30ന് പുറപ്പെടുന്ന ട്രെയിന് പിറ്റേദിവസം പകല് 12:30ന് ചര്ളപ്പള്ളിയില് എത്തും.
മച്ചിലിപട്ടണം - കൊല്ലം (07101) പ്രതിവാര സ്പെഷ്യല് നവംബര് 14 മുതല് ജനുവരി 2 വരെയുള്ള വെള്ളിയാഴ്ചകളില് സര്വീസ് നടത്തും. വൈകിട്ട് 4:30ന് പുറപ്പെടുന്ന ട്രെയിന് പിറ്റേദിവസം രാത്രി 10ന് കൊല്ലത്ത് എത്തും. കൊല്ലം - മച്ചിലിപട്ടണം സ്പെഷ്യല് പ്രതിവാര സ്പെഷ്യല് നവംബര് 16 മുതല് ജനുവരി 4 വരെയുള്ള ഞായറാഴ്ചകളില് ഓടും. പുലര്ച്ചെ 2:30ന് പുറപ്പെടുന്ന ട്രെയിന് പിറ്റേദിവസം രാവിലെ എട്ടിന് മച്ചിലിപട്ടണത്ത് എത്തും.
നരസപ്പുര് - കൊല്ലം സ്പെഷ്യല് പ്രതിവാര ട്രെയിന് (07105) നവംബര് 16, 18 തിയ്യതികളിലാണ് സര്വീസ് നടത്തുക. പകല് മൂന്നിന് പുറപ്പെടുന്ന ട്രെയിന് പിറ്റേദിവസം രാത്രി 10ന് കൊല്ലത്ത് എത്തും. കൊല്ലം - നരസപ്പുര് സ്പെഷ്യല് (07106) നവംബര് 18, 20 തിയ്യതികളില് സര്വീസ് നടത്തും. പുലര്ച്ചെ 2.30ന് പുറപ്പെടുന്ന ട്രെയിന് പിറ്റേദിവസം രാവിലെ ഏഴിന് നരസപ്പുരില് എത്തും.
ചര്ളപ്പള്ളി - കൊല്ലം സ്പെഷ്യല് (07107) നവംബര് 17, 19 തിയ്യതികളില് സര്വീസ് നടത്തും. പകല് 12ന് പുറപ്പെടുന്ന ട്രെയിന് പിറ്റേദിവസം രാത്രി 10ന് കൊല്ലത്ത് എത്തും. കൊല്ലം - ചര്ളപ്പള്ളി സ്പെഷ്യല് പ്രതിവാര എക്സ്പ്രസ് (07108) നവംബര് 19, 21 തിയ്യതികളില് സര്വീസ് നടത്തും. പകല് 2:30ന് പുറപ്പെടുന്ന ട്രെയിന് പിറ്റേദിവസം രാവിലെ 10:30ന് ചര്ളപ്പള്ളിയില് എത്തും.
ചെന്നൈ എഗ്മൂര് - കൊല്ലം എക്സ്പ്രസ് സ്പെഷ്യല് (06111) നവംബര് 14 മുതല് ജനുവരി 14 വരെയുള്ള വെള്ളിയാഴ്ചകളില് സര്വീസ് നടത്തും. രാത്രി 11:55ന് പുറപ്പെടുന്ന ട്രെയിന് പിറ്റേദിവസം വൈകിട്ട് 4:30ന് കൊല്ലത്ത് എത്തും. കൊല്ലം - ചെന്നൈ എഗ്മൂര് പ്രതിവാര സ്പെഷ്യല് (06112) നവംബര് 15 മുതല് ജനുവരി 17 വരെയുള്ള ശനിയാഴ്ചകളില് സര്വീസ് നടത്തും.
ചെന്നൈ സെന്ട്രല് - കൊല്ലം പ്രതിവാര സ്പെഷ്യല് (06113) നവംബര് 16 മുതല് ജനുവരി 18 വരെയുള്ള ഞായറാഴ്ചകളില് സര്വീസ് നടത്തും. രാത്രി 11:50ന് പുറപ്പെട്ട് പിറ്റേദിവസം വൈകിട്ട് 4:30ന് കൊല്ലത്ത് എത്തും. കൊല്ലം - ചെന്നൈ സെന്ട്രല് പ്രതിവാര സ്പെഷ്യല് (06114) നവംബര് 17 മുതല് ജനുവരി 19 വരെയുള്ള തിങ്കളാഴ്ചകളില് സര്വീസ് നടത്തും. വൈകിട്ട് 6:30ന് പുറപ്പെടുന്ന ട്രെയിന് പിറ്റേദിവസം പകല് 11:30ന് ചെന്നൈയില് എത്തും.
ചെന്നൈ സെന്ട്രല് - കൊല്ലം പ്രതിവാര സ്പെഷ്യല് (06119) നവംബര് 19 മുതല് ജനുവരി 21 വരെ സര്വീസ് നടത്തും. പകല് 3:10ന് പുറപ്പെട്ട് പിറ്റേദിവസം പുലര്ച്ചെ 6:40ന് കൊല്ലത്ത് എത്തും. കൊല്ലം - ചെന്നൈ സെന്ട്രല് പ്രതിവാര സ്പെഷ്യല് (06120) നവംബര് 20 മുതല് ജനുവരി 22 വരെയുള്ള വ്യാഴാഴ്ചകളില് സര്വീസ് നടത്തും.
ചെന്നൈ സെന്ട്രല് - കൊല്ലം പ്രതിവാര സ്പെഷ്യല് നവംബര് 20 മുതല് ജനുവരി 22 വരെയുള്ള വ്യാഴാഴ്ചകളില് സര്വീസ് നടത്തും. രാത്രി 11:50ന് പുറപ്പെട്ട് പിറ്റേദിവസം രാവിലെ 6:30ന് കൊല്ലത്ത് എത്തും. കൊല്ലം - ചെന്നൈ സെന്ട്രല് പ്രതിവാര സ്പെഷ്യല് നവംബര് 21 മുതല് ജനുവരി 23 വരെയുള്ള വെള്ളിയാഴ്ചകളില് സര്വീസ് നടത്തും. വൈകിട്ട് 6:30ന് പുറപ്പെടുന്ന ട്രെയിന് പിറ്റേദിവസം പകല് 11:30ന് ചെന്നൈയില് എത്തും.
ചെന്നൈ സെന്ട്രല് - കൊല്ലം സ്പെഷ്യല് (06117) നവംബര് 22 മുതല് ജനുവരി 24 വരെയുള്ള ശനിയാഴ്ചകളില് സര്വീസ് നടത്തും. രാത്രി 11:50ന് പുറപ്പെടുന്ന ട്രെയിന് പിറ്റേദിവസം വൈകിട്ട് 4:30ന് കൊല്ലത്ത് എത്തും. കൊല്ലം - ചെന്നൈ പ്രതിവാര എക്സ്പ്രസ് (06118) നവംബര് 23 മുതല് ജനുവരി 25 വരെയുള്ള ഞായറാഴ്ചകളില് സര്വീസ് നടത്തും. വൈകിട്ട് 6:30ന് പുറപ്പെട്ട് പിറ്റേദിവസം പകല് 11:30ന് ചെന്നൈയില് എത്തും.
മച്ചിലിപട്ടണം - കൊല്ലം പ്രതിവാര സ്പെഷ്യല് (07103) ഡിസംബര് 5, 12, 19, ജനുവരി 9, 16 തിയ്യതികളില് സര്വീസ് നടത്തും. പകല് 11ന് പുറപ്പെട്ട് പിറ്റേദിവസം രാത്രി 10ന് കൊല്ലത്ത് എത്തും. തിരിച്ചുള്ള കൊല്ലം-മച്ചിലിപട്ടണം സ്പെഷ്യല് (07104) ഡിസംബര് 7, 14, 21, ജനുവരി 11, 18 തിയ്യതികളില് സര്വീസ് നടത്തും. പുലര്ച്ചെ 2:30ന് പുറപ്പെട്ട് പിറ്റേദിവസം പകല് 12:30ന് മച്ചിലിപട്ടണത്ത് എത്തും.