ന്യൂഡല്‍ഹി: മദ്യപിക്കാന്‍ പണം നല്‍കാത്തതിനെ തുടര്‍ന്നു 25കാരനായ മകന്‍ അമ്മയെ കഴുത്തറുത്ത് കൊന്നു. ഇക്കഴിഞ്ഞ ശനിയാഴ്ച ന്യൂഡല്‍ഹിയിലാണ് സംഭവം. ആശാ ദേവിയെന്ന സ്ത്രീയാണ് മകന്‍ ദീപകിന്റെ ആക്രമണത്തിനിരയായി മരിച്ചത്. ദീപകിനെ കൂടാതെ മറ്റൊരു മകന്‍കൂടിയുള്ള ആശാദേവി, വിവിധ വീടുകളില്‍ ജോലി ചെയ്താണ് കുടുംബം പോറ്റിയിരുന്നത്.
ശനിയാഴ്ച രാത്രി വീട്ടിലെത്തിയ ദീപക് മദ്യപിക്കാന്‍ പണം നല്‍കണമെന്നു അമ്മയോടു ആവശ്യപ്പെട്ടു. പണമില്ലെന്നറിയിച്ച ആശാദേവിയെ ദീപക് അടുക്കളയിലെ കത്തിയെടുത്ത് കഴുത്തറുക്കുകയായിരുന്നു. ശേഷം പോലിസ് സ്‌റ്റേഷനിലെത്തിയ ദീപക് തന്നെയാണ് സംഭവം പോലിസിനോടു വിശദീകരിച്ചത്. പോലിസ് വീട്ടിലെത്തിയപ്പോഴേക്കും ചോര വാര്‍ന്ന ആശാദേവി മരിച്ചിരുന്നു. മകനെ അറസ്റ്റ് ചെയ്തതായി പോലിസ് അറിയിച്ചു