കോവളം എംഎല്‍എയുടെ കാര്‍ അടിച്ചു തകര്‍ത്തു;പ്രതിയെ നാട്ടുകാര്‍ പിടികൂടി പോലിസില്‍ ഏല്‍പ്പിച്ചു
ഇയാള്‍ മാനസിക അസ്വാസ്ഥ്യമുള്ളയാളാണെന്നാണ് പോലിസ് പറയുന്നത്
തിരുവനന്തപുരം: കോവളം എംഎല്‍എ എം വിന്‍സന്റിന്റെ കാര്‍ അടിച്ചു തകര്‍ത്തു.വീടിനു മുന്നില്‍ നിര്‍ത്തിയിട്ട കാറാണ് തകര്‍ത്തത്. ഉച്ചക്കട സ്വദേശി സന്തോഷ് (27) എന്നയാളാണ് പ്രതി.അക്രമിയെ നാട്ടുകാര്‍ പിടികൂടി പോലിസില്‍ ഏല്‍പ്പിച്ചു.
സംഭവത്തില്‍ ബാലരാമപുരം പോലിസ് കേസ് എടുത്തു. മുല്ലപ്പെരിയാര്‍ ഡാം പൊട്ടാന്‍ പോകുകയാണെന്നും എംഎല്‍എ ഒരു നടപടിയും എടുത്തില്ലെന്നും പറഞ്ഞാണ് കാര്‍ തകര്‍ത്തതെന്ന് പോലിസ് പറഞ്ഞു. ഇയാള്‍ മാനസിക അസ്വാസ്ഥ്യമുള്ളയാളാണെന്നാണ് പോലിസ് പറയുന്നത്.