അന്നമനടയില്‍ ട്രഷറി പ്രവര്‍ത്തനം അവതാളത്തിലായി
വൈദ്യുതിയും ഇന്റര്‍നെറ്റും തകരാറിലായതാണ് ട്രഷറി പ്രവര്‍ത്തിക്കാനാകാത്ത അവസ്ഥക്ക് കാരണമായത്.
മാള: അന്നമനടയില്‍ ട്രഷറി പ്രവര്‍ത്തനം അവതാളത്തിലായി. ഇന്നലെ ഉച്ച മുതല്‍ വൈദ്യുതിയും ഇന്റര്‍നെറ്റും തകരാറിലായതാണ് ട്രഷറി പ്രവര്‍ത്തിക്കാനാകാത്ത അവസ്ഥക്ക് കാരണമായത്.
ട്രഷറിയിലേക്കാവശ്യമായ കംപ്യൂട്ടറുകളും യുപിഎസും സ്ഥാപിക്കുന്നതിനായി ഉച്ചക്ക് ജോലികള്‍ തുടങ്ങി. വൈദ്യുതി തടസ്സപ്പെട്ടതോടെ ജോലി നിര്‍ത്തി വെക്കേണ്ടി വന്നു. പിന്നീട് വൈദുതി ബന്ധം പുനഃസ്ഥാപിച്ചുവെങ്കിലും ഇന്റര്‍നെറ്റ് ലഭ്യമാകാതെ വന്നത് പ്രശ്‌നമായി. ഇതേ തുടര്‍ന്ന് പെന്‍ഷന്‍ വാങ്ങാനെത്തിയവരെ ഉള്‍പ്പെടെയുള്ളവരെ തിരിച്ചയച്ചു. നിരവധി ആളുകളാണ് തിരിച്ച് പോയത്.