തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം വ്യാപകമായ മഴക്ക് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. ഈ ദിവസങ്ങളില് ഒറ്റപ്പെട്ട ശക്തമായ മഴയ്ക്കും ഇടിക്കും മിന്നലിനും സാധ്യതയുണ്ട്. സെപതംബര് അഞ്ച് മുതല് ഏഴ് വരെയുള്ള തിയ്യതികളില് കേരളത്തില് ഒറ്റപെട്ട സ്ഥലങ്ങളില് അതി ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ലക്ഷദ്വീപിനും തെക്കു കിഴക്കന് അറബിക്കടലിനും സമീപമായി ചക്രവാതചുഴി നിലനില്ക്കുന്നുണ്ട്. ഇതില് നിന്ന് ഒരു ന്യൂനമര്ദ്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നതായും അറിയിപ്പില് പറയുന്നു.