തിരുവനന്തപുരം. സംസ്ഥാനത്തെ സ്റ്റേജ്, കോണ്ട്രാക്ട് കരിയേജുകളുടെ ഈ സാമ്പത്തിക വര്ഷത്തെ ആദ്യത്തെ രണ്ട് ത്രൈമാസ ക്വാര്ട്ടറുകളിലെ വാഹന നികുതി അടയ്ക്കേണ്ട അവസാന തിയ്യതി സെപ്റ്റംബര് 30 വരെ ദീര്ഘിപ്പിച്ചെന്ന് ഗതാഗത മന്ത്രി ആന്റണി രാജു അറിയിച്ചു. കൊവിഡ് മഹാമാരി മൂലം വാഹന ഉടമകള് അനുഭവിക്കുന്ന സാമ്പത്തിക ബുദ്ധിമുട്ട് പരിഗണിച്ചാണ് ഈ നടപടിയെന്ന് മന്ത്രി പറഞ്ഞു. നികുതി അടക്കേണ്ട തിയ്യതി ഇന്ന്(31-08-2021) അവസാനിക്കുകയായിരുന്നു.