ഇറാനിയന് ആക്രമണത്തില് 27 ബില്യണ് രൂപയുടെ യുഎസ് പ്രതിരോധ സംവിധാനം തകര്ന്നു
തെഹ്റാന്: ഇറാനിയന് ആക്രമണത്തില് യുഎസ് പ്രതിരോധ സംവിധാനം തകര്ന്നെന്ന് റിപോര്ട്ട്. 27 ബില്യണ് രൂപയുടെ നാശനഷ്ടമാണുണ്ടായത്. അമേരിക്കയുടെ മിസൈല് പ്രതിരോധ സംവിധാനങ്ങള്ക്ക് കനത്ത പ്രഹരമായി മാറിയിരിക്കുകയാണ് ഈ ആക്രമണം.
യുഎസ് ടെര്മിനല് ഹൈ ആള്ട്ടിറ്റിയൂഡ് ഏരിയ ഡിഫന്സ് (THAAD) സംവിധാനം വിന്യസിച്ചിരുന്ന മുവാഫാഖ് സാള്ട്ടി എയര് ബേസിലാണ് ആക്രമണം നടന്നത്. ആക്രമണത്തില് AN/TPY-2 റഡാറും തകര്ന്നു.
ശത്രു മിസൈലുകള് കണ്ടെത്തുന്നതിനും തടയുന്നതിനുമായി രൂപകല്പ്പന ചെയ്തിരിക്കുന്ന ഈ റഡാറിന് ഏകദേശം 300 മില്യണ് ഡോളര് (2,700 കോടി) ചെലവ് വരുമെന്ന് കണക്കാക്കപ്പെടുന്നു.
AN/TPY-2 റഡാറും THAAD ഉം ഒരേ മിസൈല് പ്രതിരോധ സംവിധാനത്തിന്റെ ഭാഗമാണ്. AN/TPY-2 റഡാര് ശത്രു മിസൈലുകളെ കണ്ടെത്തുന്നു. അതേസമയം THAAD സിസ്റ്റം അവയെ ആകാശത്ത് നശിപ്പിക്കുന്നു.