കൊല്ലം: കല്ലടയാറില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ ഒഴുക്കില്‍പ്പെട്ട് മുങ്ങി മരിച്ചു. കുളത്തൂപ്പുഴ കണ്ടച്ചിറ സ്വദേശി റോഷിന്‍, ഏഴാംചിറ സ്വദേശി റൂബന്‍ എന്നിവരാണ് മരിച്ചത്. രണ്ട് മണിക്കൂറിലേറെ നടത്തിയ തിരച്ചിലിനൊടുവിലാണ് മൃതദേഹങ്ങള്‍ കണ്ടെത്തിയത്.
ഇന്ന് രാവിലെ ഒമ്പതിന് കുളത്തൂപ്പുഴ ഭാഗത്തായിരുന്നു അപകടം. ട്യൂഷന്‍ കഴിഞ്ഞ് മടങ്ങുന്നതിനിടെ സുഹൃത്തുക്കള്‍ ഒരുമിച്ച് കുളിക്കാനിറങ്ങിയപ്പോഴാണ് അപകടമുണ്ടായത്. ഏഴ് പേരാണ് വെള്ളത്തില്‍ ഇറങ്ങിയത്. ഇതിനിടെ നാലുപേര്‍ ഒഴുക്കില്‍പ്പെടുകയായിരുന്നു. രണ്ടുപേരെ കൂടെയുണ്ടായിരുന്നവര്‍ രക്ഷപ്പെടുത്തി. കുളത്തൂപ്പുഴ ടെക്‌നിക്കല്‍ സ്‌കൂളിലെ 10ാം ക്ലാസ് വിദ്യാര്‍ഥികളാണ് ഇരുവരും.