ശക്തമായ കാറ്റിനെ തുടര്ന്ന് രാമേശ്വരം റൂട്ടില് ട്രെയിന് സര്വീസുകള് താല്ക്കാലികമായി റദ്ദാക്കി
തിരുവനന്തപുരം: പാമ്പന് പാലത്തില് മണിക്കൂറില് 63.08 കിലോമീറ്റര് വരെ കാറ്റിന്റെ വേഗത രേഖപ്പെടുത്തിയതിനെ തുടര്ന്ന് രാമേശ്വരം-തിരുവനന്തപുരം റെയില് റൂട്ടിലെ ട്രെയിന് സര്വീസുകള് താല്ക്കാലികമായി റദ്ദാക്കി.
ഇന്ന് 1.30നു രാമേശ്വരത്ത് നിന്ന് പുറപ്പെടേണ്ട രാമേശ്വരം-തിരുവനന്തപുരം സെന്ട്രല് അമൃത് എക്സ്പ്രസും വൈകിട്ട് 3.00നു പുറപ്പെടുന്ന രാമേശ്വരം-തിരുച്ചിറപ്പള്ളി എക്സ്പ്രസും (16850) രാമനാഥപുരത്തുനിന്ന് ആരംഭിക്കും. അതേസമയം, വൈകിട്ട് 4.00മണിക്ക് സര്വീസ് ആരംഭിക്കേണ്ട രാമേശ്വരം-താംബരം എക്സ്പ്രസും (16104) 5.50നു പുറപ്പെടേണ്ട രാമേശ്വരം-ചെന്നൈ എഗ്മോര് എക്സ്പ്രസും (16752) മണ്ഡപം സ്റ്റേഷനില് നിന്നും ആരംഭിക്കും.