തിരുവനന്തപുരം: സംസ്ഥാനത്തെ തദ്ദേശ തിരഞ്ഞെടുപ്പിന്റെ മൂന്നാംഘട്ട വോട്ടെടുപ്പ് നാല് ജില്ലകളിലായി ഇന്ന് നടക്കും. മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളിലാണ് ഇന്ന് വോട്ടെടുപ്പ് നടക്കുന്നത്. ഇന്നത്തോടെ സംസ്ഥാനത്തെ മുഴുവന് വോട്ടെടുപ്പും പൂര്ത്തിയാവും. ബുധനാഴ്ചയാണ് വോട്ടെണ്ണി ഫലം പ്രഖ്യാപിക്കുന്നത്.
354 തദ്ദേശ സ്ഥാപനങ്ങളിലെ 6,867 വാര്ഡുകളിലേക്കാണ് ഇന്ന് തിരഞ്ഞെടുപ്പ് നടക്കുന്നത്. 42.87 ലക്ഷം പുരുഷന്മാരും 46.87 ലക്ഷം സ്ത്രീകളും 86 ട്രാന്സ് ജെന്റര്മാരും അടക്കം 89.74 ലക്ഷം വോട്ടര്മാരാണ് ഇന്ന് വോട്ടുചെയ്യാന് അര്ഹത നേടിയിട്ടുള്ളവര്.
കോഴിക്കോട് മാവൂര് പഞ്ചായത്തിലെയും കണ്ണൂര് ജില്ലാ പഞ്ചായത്തിലെയും ഓരോ വാര്ഡുകളിലെ തിരഞ്ഞെടുപ്പ് സ്ഥാനാര്ത്ഥിയുടെ മരണത്തെ തുടര്ന്ന് മാറ്റിവച്ചിട്ടുണ്ട്.