മലപ്പുറം: മതബോധവും മാനുഷികസാംസ്കാരിക മൂല്യങ്ങളും ഉയര്ത്തിപ്പിടിച്ച് മാതൃകാപരമായ ജീവിതം നയിക്കേണ്ടവരാണ് നേതാക്കളെന്നും അതില്ലാതെ വരുമ്പോള് സംഘടനക്കും സമൂഹത്തിനും വിപത്തായി അവര് മാറുമെന്നും കേരള സംസ്ഥാന സുന്നി യുവജന ഫെഡറേഷന് (എസ്. വൈ. എഫ്) സംസ്ഥാന പ്രസിഡന്റ് സയ്യിദ് ഹാശിം ബാഫഖി തങ്ങള്. എസ് വൈ എഫ് ജില്ലാ സംഘടിപ്പിച്ച സ്കില് അപ് നേതൃ ക്യാമ്പ് മിനി ഊട്ടി ഹില് ഗാര്ഡന് റിസോര്ട്ടില് ഉല്ഘാടനം ചെയ്യുകയായിരുന്നു തങ്ങള്.
ജില്ല പ്രസിഡന്റ് സയ്യിദ് അബ്ദുല് ഖയ്യൂം ശിഹാബ് തങ്ങള് അധ്യക്ഷത വഹിച്ചു. കെ. യു. ഇസ്ഹാഖ് ഫലാഹി (നല്ല സംഘാടകന്), അലി അക്ബര് മൗലവി (കനല് പഥങ്ങള്), യു. ജഅഫറലി മുഈനി പുല്ലൂര് (നമുക്കും ദീനീ ജീവിതമില്ലെങ്കില്), അമീന് ദാറാനി ചുള്ളിയോട് (ഫോക്കസ് മീഡിയ) എന്നിവര് വിഷയമവതരിപ്പിച്ചു.
മുസ്തഫ ബാഖവി കാളികാവ്, സ്വദഖത്തുള്ള വഹബി മാളികപ്പറമ്പ്, റഫീഖ് വഹബി ചെറുകര, ഹബീബ് ബാഖവി കാവനൂര്, സയ്യിദ് അഫ് ലഹ് തങ്ങള് പാണക്കാട്, അഫ്സല് മരുത തുടങ്ങിയവര് വിവിധ മേഖലകളെ പ്രതിനിധീകരിച്ച് ഫിക് റ് ശൂറയില് സംസാരിച്ചു. റഷീദലി വഹബി എടക്കര ഫീഡ് ബാക്ക്നടത്തി. സ്റ്റേറ്റ് ജനറല് സെക്രട്ടറി അശ്റഫ് ബാഖവി കാളികാവ് സമാപന സന്ദേശം നല്കി. എസ്. അലി മൗലവി പ്രാര്ഥനക്ക് നേതൃത്വം നല്കി. ഷബീര് വഹബി മമ്പാട് സ്വാഗതവും മുജീബ് വഹബി പൂവ്വത്തിക്കല് നന്ദിയും പറഞ്ഞു.