തിരുവനന്തപുരം: സംസ്ഥാനത്ത് ശ്വാസകോശ രോഗങ്ങളുടെ ചികില്സയ്ക്കായി ഉപയോഗിക്കുന്ന ശ്വാസ് ക്ലിനിക്കുകള് പോസ്റ്റ് കൊവിഡ് ചികില്സയ്ക്ക് ഉപയോഗിക്കാന് തീരുമാനിച്ചു. പോസ്റ്റ് കൊവിഡ് ചികില്സയ്ക്ക് നിലവില് ഉപയോഗപ്പെടുത്തുന്ന കേന്ദ്രങ്ങള്ക്ക് പുറമേയാണ് ഇത്.
സംസ്ഥാനത്ത് പോസ്റ്റ് കൊവിഡ് സിന്ഡ്രോം പലരിലും ഗുരുതരമാകുന്ന സ്ഥിതിവിശേഷമുണ്ടാക്കുന്നുണ്ടെന്നാണ് ആരോഗ്യവകുപ്പിന്റെ റിപോര്ട്ട്. ഈ സാഹചര്യത്തിലാണ് കൂടുതല് കേന്ദ്രങ്ങള് തുറക്കാന് സര്ക്കാര് തീരുമാനിച്ചത്. രോഗവിമുക്തര്ക്ക് ഇത്തരം കേന്ദ്രങ്ങള് വഴി ചികില്സ ഉറപ്പുവരുത്താന് കഴിയുമെന്നാണ് സര്ക്കാര് കരുതുന്നത്.