ഇന്‍ഡോര്‍: ഹിന്ദി ടെലിവിഷന്‍ സീരിയല്‍ താരം വൈശാലി ടക്കറിനെ വസതിയില്‍ മരിച്ച നിലയില്‍ കണ്ടെത്തി. സസുരാല്‍ സിമര്‍ കാ, യേ രിഷ്താ ക്യാ കെഹലാതാ ഹേ തുടങ്ങിയ പരമ്പരകളിലൂടെ ശ്രദ്ധേയയായ നടിയാണ് വൈശാലി. മധ്യപ്രദേശിലെ ഇന്‍ഡോറില്‍ ഞായറാഴ്ചയാണ് മൃതദേഹം കണ്ടെത്തിയത്. ആത്മഹത്യയാണെന്നാണ് പോലിസിന്റെ പ്രാഥമിക നിഗമനം.
ആത്മഹത്യാക്കുറിപ്പ് എന്ന് കരുതുന്ന ഒരു കത്തും നടിയുടെ വീട്ടില്‍ നിന്ന് പോലിസ് കണ്ടെടുത്തിട്ടുണ്ട്. ഇന്‍ഡോറില്‍ പിതാവിനും സഹോദരനുമൊപ്പമാണ് വൈശാലി താമസിച്ചിരുന്നത്. രാവിലെ മുറിയില്‍ നിന്നു പുറത്തുവരാതിരുന്നതിനെത്തുടര്‍ന്ന് അന്വേഷിച്ചെത്തിയ പിതാവാണ് തൂങ്ങി മരിച്ച നിലയില്‍ വൈശാലിയെ കാണുന്നത്. തേജാജി നഗര്‍ പോലിസ് സ്‌റ്റേഷനില്‍ കേസ് രജിസ്റ്റര്‍ ചെയ്തതായി ഇന്ത്യ ടുഡേ റിപോര്‍ട്ട് ചെയ്തു.