ന്യൂഡല്‍ഹി: സുപ്രിംകോടതി ജഡ്ജിയായ ജസ്റ്റിസ് എം ആര്‍ ഷായ്ക്ക് ഹൃദയാഘാതം. ഹിമാചല്‍ പ്രദേശില്‍വച്ചാണ് ജസ്റ്റിസ് ഷായ്ക്ക് ഹൃദയാഘാതമുണ്ടായത്. സുപ്രിംകോടതി അധികൃതരുടെ ഇടപെടലിനെ തുടര്‍ന്ന് ആഭ്യന്തരമന്ത്രാലയം എയര്‍ ആംബുലന്‍സില്‍ ജസ്റ്റിസ് ഷായെ ഡല്‍ഹിയിലെത്തിച്ച് ചികില്‍സ നല്‍കുകയാണ്. പട്‌ന ഹൈക്കോടതി മുന്‍ ചീഫ് ജസ്റ്റിസും ഗുജറാത്ത് ഹൈക്കോടതി മുന്‍ ജഡ്ജി കൂടിയാണ് എം ആര്‍ ഷാ. 2023 മെയ് 15ന് അദ്ദേഹം പദവിയില്‍നിന്നും വിരമിക്കും. 2018 നവംബര്‍ 2നാണ് സുപ്രിംകോടതി ജഡ്ജിയായി അദ്ദേഹം നിയമിതനായത്.