തിരുവനന്തപുരം: സംസ്ഥാനത്ത് 124 പെട്രോള്‍ പമ്പുകള്‍ക്ക് ലീഗല്‍ മെട്രോളജി വകുപ്പ് സ്‌റ്റോപ്പ് മെമ്മോ നല്‍കി. വകുപ്പിന്റെ ക്ഷമത പദ്ധതിയുടെ ഭാഗമായി 1,144 പെട്രോള്‍/ഡീസല്‍ പമ്പുകളില്‍ പരിശോധന നടത്തിയിരുന്നു. അതില്‍ നിയമാനുസൃത അളവില്‍ നിന്ന് വ്യത്യാസം കണ്ട 124 യൂനിറ്റുകള്‍ക്കാണ് സ്‌റ്റോപ്പ് മെമ്മോ നല്‍കിയത്.
വകുപ്പിന്റെ ജാഗ്രത പദ്ധതിയുടെ ഭാഗമായി നടത്തിയ പരിശോധനയില്‍ സംസ്ഥാനത്ത് 50,352 വ്യാപരസ്ഥാപനങ്ങള്‍ പരിശോധിച്ചു. ന്യൂനതകള്‍ കണ്ട 3,864 സ്ഥാപനങ്ങള്‍ക്ക് നോട്ടിസ് നല്‍കി. ന്യൂനതകള്‍ കണ്ട സ്ഥാപനങ്ങളില്‍ തുടര്‍ന്ന് പരിശോധന നടത്തും. തുടര്‍പരിശോധനിയില്‍ വീഴ്ച കണ്ടെത്തുന്നവര്‍ക്കെതിരെ കര്‍ശനനടപടി സ്വീകരിക്കും.