മധ്യവയസ്കര്ക്ക് തൊഴിലവസരം സൃഷ്ടിക്കാന് പുതിയ പദ്ധതിയുമായി സംസ്ഥാന സര്ക്കാര്
തിരുവനന്തപുരം: കേരളത്തിലെ എംപ്ലോയ്മെന്റ് എക്സ്ചേഞ്ചുകളില് പേര് രജിസ്റ്റര് ചെയ്തിട്ടും ജോലി ലഭിക്കാത്തവര്ക്ക് ആശ്വാസ പദ്ധതിയുമായി കേരള സര്ക്കാര്. 50-65 വയസ്സ് പ്രായമുള്ളവര്ക്ക് സ്വയംതൊഴില് സംരംഭങ്ങള് ആരംഭിക്കുന്നതിന് സഹായം നല്കുന്നതാണ് നവജീവന് എന്ന് പേരിട്ടിട്ടുള്ള ഈ പദ്ധതി. മന്ത്രിസഭാ യോഗത്തിന്റേതാണ് തീരുമാനം.
താല്പ്പര്യമുള്ളവര്ക്ക് സര്ക്കാര് സബ്സിഡിയോടുകൂടി വായ്പ അനുവദിക്കും. വിവിധ ധനകാര്യ സ്ഥാപനങ്ങളുമായി ബന്ധപ്പെടുത്തിയാണ് പദ്ധതി നടപ്പാക്കുക. കൂടുതല് വിശദാംശങ്ങള് തയ്യാറാക്കാന് ബന്ധപ്പെട്ട വകുപ്പുകള്ക്ക് നിര്ദേശം നല്കിയിട്ടുണ്ട്.