തിരുവനന്തപുരം; സര്ക്കാറിന്റെയും സംസ്ഥാന വനിതാ വികസന കോര്പ്പറേഷന്റെയും സംയുക്ത സംരംഭമായ 'സ്മൈല് കേരള' സ്വയം തൊഴില് വായ്പാ പദ്ധതിയിലേക്ക് അപേക്ഷ ക്ഷണിച്ചു. കൊവിഡ്19 ബാധിച്ച് 18നും 55നും ഇടയില് പ്രായമുള്ള, മുഖ്യവരുമാനദായകനായ വ്യക്തി മരിച്ച കുടുംബങ്ങളിലെ (പട്ടികവര്ഗ/ന്യൂനപക്ഷ/പൊതുവിഭാഗം) വനിതാ ആശ്രിതര്ക്കാണ് വായ്പ.
ആറ് ശതമാനം വാര്ഷിക പലിശ നിരക്കില് പരമാവധി അഞ്ച് ലക്ഷം രൂപവരെ വായ്പ ലഭിക്കും. വായ്പാ തുകയുടെ 20 ശതമാനം അല്ലെങ്കില് പരമാവധി ഒരു ലക്ഷം രൂപ വരെ സബ്സിഡിയും ലഭ്യമാണ്. ഇവരുടെ വാര്ഷിക വരുമാനം മൂന്ന് ലക്ഷം രൂപയില് കവിയരുത്. അപേക്ഷക കേരളത്തില് സ്ഥിരം താമസക്കാരിയായിരിക്കണം.
കൂടുതല് വിവരങ്ങള്ക്ക് www.kswdc.org എന്ന വെബ്സൈറ്റ് സന്ദര്ശിക്കുക. ഫോണ്: 0497 2701399, 9496015014