യുവതി ഭര്തൃ വീട്ടില് തൂങ്ങി മരിച്ച നിലയില്; ദുരൂഹതയെന്ന് രക്ഷിതാക്കള്
തൃശൂര്: വാടക വീട്ടില് യുവതിയെ തൂങ്ങി മരിച്ച നിലയില് കണ്ടെത്തി. തൃശൂര് പെരുമ്പിലാവിലാണ് സംഭവം. ചിറമനേങ്ങാട് നെല്ലിയപറമ്പില് റാഷിദിന്റെ ഭാര്യ റിന്ഷ(25)ആണ് മരിച്ചത്. ഇവര്ക്ക് രണ്ട് വയസുള്ള മകനുണ്ട്.
കോഴിക്കടയിലെ ജീവനക്കാരനായ റാഷിദ് വീട്ടിലെത്തിയപ്പോള് വാതില് തുറന്നില്ല. ഇതേത്തുടര്ന്ന് സുഹൃത്തുക്കളുടെ സഹായത്തോടെ തുറന്നപ്പോഴാണ് സംഭവം അറിയുന്നത്.
ആറ് വര്ഷം മുന്പാണ് ചിറമനേങ്ങാട് കുറഞ്ചിയില് ഞാലില് ചന്ദ്രന്റെ മകള് ഗ്രീഷ്മയും(റിന്ഷ) റാഷിദും തമ്മിലുള്ള വിവാഹം നടന്നത്. വിവാഹത്തിന് ഗ്രീഷ്മയുടെ വീട്ടുകാര്ക്ക് എതിര്പ്പുണ്ടായിരുന്നു.
മകളുടെ മരണത്തില് ദുരൂഹതയുണ്ടെന്ന് റിന്ഷയുടെ രക്ഷിതാക്കള് ആരോപിച്ചു. റാഷിദ് മകളെ മര്ദിക്കാറുണ്ടെന്നും രക്ഷിതാക്കള് പോലിസിനോട് വ്യക്തമാക്കി. പ്രാഥമിക പരിശോധന പൂര്ത്തിയാക്കി മൃതദേഹം പോസ്റ്റുമോര്ട്ടത്തിനായി മെഡിക്കല് കോളജിലേക്ക് മാറ്റി.