രാജ്യത്ത് കടുത്ത തണുപ്പ്; സംസ്ഥാനങ്ങളില് പലയിടങ്ങളിലും വിന്റര് അലേര്ട്ട്
ന്യൂഡല്ഹി: ഉത്തര്പ്രദേശില് കടുത്ത തണുപ്പ്. . സംസ്ഥാനത്തെ പത്തൊന്പത് നഗരങ്ങളില് ഷിംലയേക്കാള് കുറഞ്ഞ താപനില രേഖപ്പെടുത്തി. മുസാഫര്നഗറില് ഏറ്റവും കുറഞ്ഞ താപനില 2.1°C ആയിരുന്നു. മീററ്റ്, സാംബാല് എന്നിവയുള്പ്പെടെ 25 ജില്ലകളെ മൂടല്മഞ്ഞ് മൂടി.
ഹരിയാനയില് ഇന്ന് അതിശൈത്യത്തെ തുടര്ന്ന് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. 14 ജില്ലകളില് അതിശൈത്യം കാരണം ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ശേഷിക്കുന്ന ജില്ലകളില് കനത്ത മൂടല്മഞ്ഞും പകല് സമയത്തെ തണുപ്പും നിലനില്ക്കും. കഴിഞ്ഞ 24 മണിക്കൂറിനുള്ളില് ഹരിയാനയിലെ പരമാവധി താപനില 3.8 ഡിഗ്രി സെല്ഷ്യസ് ആയി കുറഞ്ഞു. കര്ണാലില് താപനില 10.0 ഡിഗ്രി സെല്ഷ്യസ് ആയിരുന്നു.
രാജസ്ഥാനിലെ അഞ്ച് ജില്ലകളില് മഞ്ഞ വിന്റര് അലേര്ട്ട് പുറപ്പെടുവിച്ചിട്ടുണ്ട്. ഗംഗാനഗറും ഹനുമാന്ഗഡും ഒഴികെ, മറ്റ് ജില്ലകളിലെ പരമാവധി താപനില 20ഡിഗ്രി സെല്ഷ്യസിനും 27ഡിഗ്രി സെല്ഷ്യസിനും ഇടയിലായിരുന്നു.
ബീഹാറിലെ 18 ജില്ലകളിലെ ഏറ്റവും കുറഞ്ഞ താപനില 10ഡിഗ്രി സെല്ഷ്യസില് താഴെയായിരുന്നു. ഏറ്റവും കുറഞ്ഞ താപനില ഭഗല്പൂരിലെ സബൂറില് 5.9ഡിഗ്രി സെല്ഷ്യസ് ആയിരുന്നു. പട്നയില് 1 മുതല് 12-ാം ക്ലാസ് വരെയുള്ള ക്ലാസുകള് രാവിലെ 9 മണിക്ക് ആരംഭിക്കും.
തമിഴ്നാട്ടിലെ ചെന്നൈയില് പുകമഞ്ഞും ഇടതൂര്ന്ന മൂടല്മഞ്ഞും കാരണം ഇന്ന് ചെന്നൈ അന്താരാഷ്ട്ര വിമാനത്താവളത്തില് എട്ട് വിമാനങ്ങള് റദ്ദാക്കി. പത്ത് വിമാനങ്ങള് ഒന്ന് മുതല് മൂന്ന് മണിക്കൂര് വരെ വൈകിയാണ് സര്വീസ് നടത്തുന്നത്.