ശബരിമല സ്വര്ണക്കൊള്ള; ഡി മണി പുരാവസ്തു കടത്തുസംഘത്തിന്റെ ഭാഗമെന്ന് സൂചന, അന്വേഷണം
പത്തനംതിട്ട: ശബരിമല സ്വര്ണക്കൊള്ളയില് അന്വേഷണം പുരാവസ്തു കടത്ത് സംഘത്തിലേക്ക്. എസ്ഐടി അന്വേഷിക്കുന്ന ചെന്നൈ വ്യവസായി ഡി മണി എന്ന് അറിയപ്പെടുന്നയാള് പുരാവസ്തു കടത്തുസംഘത്തിന്റെ ഭാഗമെന്നാണ് സൂചന. ഇയാള് പണം കൈമാറിയത് ശബരിമലയുമായി ബന്ധമുള്ള ഉന്നതാനാണെന്ന മൊഴി ലഭിച്ചു.
ഉണ്ണികൃഷ്ണന് പോറ്റി ഇടനിലക്കാരനായി നാല് പഞ്ചലോഹ വിഗ്രഹങ്ങള് കടത്തിയെന്നും എസ്ഐടിയ്ക്ക് നിര്ണായക മൊഴി ലഭിച്ചു.ഉണ്ണികൃഷ്ണന് പോറ്റിയെ വീണ്ടും ചെയ്ത് സ്മാര്ട്ട് ക്രിയേഷന്സുമായുള്ള ഇടപാടുകള് പരിശോധിക്കാനുമാണ് അന്വേഷണ സംഘത്തിന്റെ തീരുമാനം. അന്വേഷണം അവസാന ഘട്ടത്തിലേക്ക് കടക്കുമ്പോഴും തൊണ്ടിമുതല് കണ്ടെത്താത്തത് അന്വേഷണ സംഘത്തിന് വലിയ തിരിച്ചടിയായിരിക്കുകയാണ്.
സ്വര്ണ്ണപ്പാളികളില് നിന്നും എത്ര സ്വര്ണം നഷ്ടമായെന്നതിലും വ്യക്തയില്ല.രണ്ട് കിലോയോളം സ്വര്ണം നഷ്ടമായെന്നായിരുന്നു ആദ്യ നിഗമനം. ഒന്നര കിലോ എവിടെയെന്ന് ഇത് വരെയും കണ്ടെത്താനായിട്ടില്ല. തൊണ്ടിമുതലെന്ന പേരില് 109 ഗ്രാം ചെന്നൈ സ്മാര്ട് ക്രീയേഷന്സില് നിന്നും 475 ഗ്രാം ബെല്ലാരിയിലെ വ്യാപാരി ഗോവര്ധനില് നിന്നും പിടിച്ചെടുത്തിരുന്നു.എന്നാല് ഇവ ശബരിമലയില് നിന്നെടുത്ത യഥാര്ഥ സ്വര്ണമല്ല. തൊണ്ടിമുതല് കണ്ടെത്താനുള്ള അന്വേഷണം എസ്ഐടി ഊര്ജിതമാക്കി.