കോഴിക്കോട്: സംസ്ഥാന ഹജ്ജി കമ്മിറ്റിയുടെ കീഴില് ഹജ്ജ് ചെയ്യാന് വിമാനടിക്കറ്റിന് മാത്രം 80,878 രൂപ ചെലവുവരും. നെടുമ്പാശ്ശേരിയില്നിന്ന് സൗദി എയര്ലൈന്സ് ജൂണ് 4 മുതല് 16 വരെ 20 സര്വീസുകളാണ് നടത്തുക. ആകെ ഹജ്ജിനുള്ള ചെലവ് 3,84,200 രൂപയാണ്. ഇതില് അഞ്ച് ശതമാനത്തിന്റെ വ്യത്യാസമുണ്ടാകും.
സംസ്ഥാന ഹജ്ജ് കമ്മിറ്റിയില് രജിസ്റ്റര് ചെയ്തിരുന്നവര് നേരത്തെ 2,01,000 രൂപ അടച്ചിരുന്നു. ബാക്കി 1,83,200 രൂപ ഉടന് അടക്കണം.
ബലികര്മ്മത്തിനുള്ള കൂപ്പണ് 16,747 രൂപ അധികം അടയ്ക്കണം.