രണ്ടു കോടി രൂപയുടെ കൈക്കൂലിക്കേസ്; ഇഡി അസിസ്റ്റന്റ് ഡയറക്ടര് ശേഖര് കുമാറിന്റെ അറസ്റ്റ് തടഞ്ഞ് കോടതി
കൊച്ചി: എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥന് പ്രതിയായ കൈക്കൂലിക്കേസില് അറസ്റ്റ് തടഞ്ഞ് ഹൈക്കോടതി. ഇഡി കൊച്ചി യൂണിറ്റിലെ അസിസ്റ്റന്റ് ഡയറക്ടര് ശേഖര് കുമാറിന്റെ അറസ്റ്റാണ് ഹൈക്കോടതി തടഞ്ഞത്. ശേഖര് കുമാറിന്റെ മുന്കൂര് ജാമ്യാപേക്ഷയില് വിജിലന്സിന് സിംഗിള് ബെഞ്ച് നോട്ടിസയച്ചു. പത്ത് ദിവസത്തിനകം മറുപടി നല്കാനാണ് വിജിലന്സിന് ഹൈക്കോടതിയുടെ നിര്ദ്ദേശം. ഇഡി അസിസ്റ്റന്റ് ഡയറക്ടറുടെ മുന്കൂര് ജാമ്യാപേക്ഷ ഹൈക്കോടതി ഈ മാസം 11ന് വീണ്ടും പരിഗണിക്കും.
കേസില് നിന്ന് ഒഴിവാക്കാന് ഇ ഡി ഉദ്യോഗസ്ഥര് രണ്ട് കോടി രൂപ കൈക്കൂലി ആവശ്യപ്പെട്ടു എന്ന കൊട്ടാരക്കരയിലെ കശുവണ്ടി വ്യവസായി അനീഷ് ബാബു നല്കിയ പരാതിയിലാണ് ശേഖര് കുമാറിനെ ഒന്നാം പ്രതിയാക്കി വിജിലന്സ് കേസെടുത്തത്.