വീഡിയോ ഗെയിം കളിക്കുന്നതിനിടെ വഴക്ക് പറഞ്ഞു; 13കാരന്‍ ആത്മഹത്യ ചെയ്തു
എന്നാല്‍ ചൊവ്വാഴ്ച കുടുംബം ദീപക് നാഥിനെതിരെ പോലിസില്‍ പരാതിപ്പെട്ടു.
കച്ചാര്‍: വീഡിയോ ഗെയിം കളിക്കുന്നതിനിടെ അയല്‍വാസി വഴക്ക് പറഞ്ഞതിന് 13കാരന്‍ ആത്മഹത്യ ചെയ്തു. തിങ്കളാഴ്ചയാണ് സംഭവം. പരീക്ഷാ സമയത്ത് മൊബൈല്‍ ഗെയിം കളിക്കുന്നത് ചൂണ്ടിക്കാട്ടി ദീപക് നാഥ് എന്ന അയല്‍വാസി കുട്ടിയെ ശാസിക്കുകയും അടിക്കുകയുമായിരുന്നു. പിന്നീട് ഇയാള്‍ വിവരം കുട്ടിയുടെ അമ്മയെ അറിയിച്ചു.
അമ്മയും കുട്ടിയെ ശകാരിച്ചു. ഇതില്‍ വിഷമിച്ച കുട്ടി ശുചിമുറിയില്‍ തൂങ്ങിമരിക്കാന്‍ ശ്രമിച്ചു. ബോധമില്ലാത്ത നിലയില്‍ ആശുപത്രിയിലെത്തിച്ചെങ്കിലും കുട്ടി മരണപ്പെട്ടിരുന്നു. മരണത്തിനു ശേഷം പോലിസിനെ അറിയിക്കാതെ ബന്ധുക്കള്‍ കുട്ടിയുടെ മൃതദേഹം സംസ്‌കരിച്ചു. എന്നാല്‍ ചൊവ്വാഴ്ച കുടുംബം ദീപക് നാഥിനെതിരെ പോലിസില്‍ പരാതിപ്പെട്ടു. തുടര്‍ന്നായിരുന്നു അറസ്റ്റ്.