'ഷൂ നക്കുന്ന ചിത്രം കാണുമ്പോള് നിങ്ങള്ക്ക് സവര്ക്കറെ ഓര്മ വരുന്നതെന്തുകൊണ്ടാണ്'; പരിഹാസവുമായി രാഹുല് മാങ്കൂട്ടത്തില്
ഷൂ നക്കിയെന്ന് നിങ്ങള്ക്ക് ഉറപ്പുണ്ടെങ്കില് പിന്നെ എന്തിനാണ് 'വിര്' എന്ന് വിളിച്ച് നിങ്ങള് ആ പാവത്തിനെ കളിയാക്കുന്നതെന്നായിരുന്നു പരിഹാസം
തിരുവനന്തപുരം: സ്വാതന്ത്ര്യസമര പോരാളികളെ രക്തസാക്ഷി പട്ടികയില് നിന്ന് ഒഴിവാക്കുന്ന പശ്ചാത്തലത്തില് സംഘപരിവാറിനെ പരിഹസിച്ച് യൂത്ത് കോണ്ഗ്രസ് നേതാവ് രാഹുല് മാങ്കൂട്ടത്തില്.
കാലാപാനി എന്ന ചിത്രത്തിലെ മോഹല്ലാല് ഷൂ നക്കുന്ന ചിത്രവും-'തങ്ങള്ക്ക് പങ്കാളിത്തമില്ലാത്ത ചരിത്രത്തില് ഒളിച്ചു കടക്കാന് ശ്രമിക്കുന്നവരും, വെട്ടിമാറ്റുന്നവരും ഓര്ത്തിരിക്കണം ഈ ചിത്രം!'- എന്ന അടിക്കുറിപ്പും ഇന്നലെ രാഹുല് പോസ്റ്റു ചെയ്തിരുന്നു. (British boot licked by Indian brut!)
രാഹുലിന്റെ ഈ പോസ്റ്റിനെതിരേ സംഘപരിവാര അനുകൂലികള് രൂക്ഷ വിമര്ശനവുമായി രംഗത്തെത്തിയിരുന്നു. ഇതിനെതിരേയാണ് ഇന്ന് വീണ്ടും രാഹുല് കുറിപ്പിട്ടത്.
ഷൂ നക്കുന്ന ചിത്രം കാണുമ്പോള് നിങ്ങള്ക്ക് സവര്ക്കറിനെ ഓര്മ്മ വരുന്നതെന്താണ്?. അങ്ങനെ ഷൂ നക്കിയെന്ന് നിങ്ങള്ക്ക് ഉറപ്പുണ്ടെങ്കില് പിന്നെ എന്തിനാണ് 'വിര്' എന്ന് വിളിച്ച് നിങ്ങള് ആ പാവത്തിനെ കളിയാക്കുന്നതെന്നായിരുന്നു രാഹുലിന്റെ പരിഹാസം.
ഫേസ് ബുക്ക് കുറിപ്പിന്റെ പൂര്ണ രൂപം
ഇന്നലെ ഞാന് കാലാപാനി സിനിമയിലെ ഒരു ചിത്രം പങ്ക് വെച്ചിരുന്നു. അതില് ആരുടെയും പേര് പരാമര്ശിക്കാതെ, ഷൂ നക്കുന്ന ചിത്രവും, അതിനൊപ്പം ബ്രിട്ടീഷുകാരുടെ ഷൂ നക്കിയ ബ്രൂട്ട് എന്നും, ചരിത്രത്തില് ഒളിച്ചു കടക്കുവാന് ശ്രമിക്കുന്നവരെന്നും, വെട്ടി മാറ്റുന്നവരെന്നും മാത്രമാണ് എഴുതിയത്.
ഒരു പേരും ഞാന് പറയാതിരുന്നിട്ടും ഷൂ നക്കുന്ന ആ ചിത്രം കണ്ടിട്ട് 'നീ ഞങ്ങളുടെ വീര് സവര്ക്കര് ജിയെ അപമാനിക്കുമോടാ' എന്ന് പറഞ്ഞ് തുടങ്ങി, ബാക്കിയൊക്കെ സ്വന്തം സംസ്കാരത്തിനൊത്ത ഭാഷ ഉപയോഗിക്കുന്ന സംഘ പരിവാറുകാരോട് രണ്ട് ചോദ്യം,
1) ഷൂ നക്കുന്ന ചിത്രം കാണുമ്പോള് നിങ്ങള്ക്ക് സവര്ക്കറിനെ ഓര്മ്മ വരുന്നതെന്താണ്?
2) അങ്ങനെ ഷൂ നക്കിയെന്ന് നിങ്ങള്ക്ക് ഉറപ്പുണ്ടെങ്കില് പിന്നെ എന്തിനാണ് 'വിര്' എന്ന് വിളിച്ച് നിങ്ങള് ആ പാവത്തിനെ കളിയാക്കുന്നത്?