പരാതിക്കാരിയായ യുവതിയെ സാമൂഹ്യ മാധ്യമങ്ങളില് അധിക്ഷേപിച്ചെന്ന കേസ്: രാഹുല് ഈശ്വറിന് ജാമ്യം
തിരുവനന്തപുരം: പരാതിക്കാരിയായ യുവതിയെ സാമൂഹ്യ മാധ്യമങ്ങളില് അധിക്ഷേപിച്ചെന്ന കേസില് രാഹുല് ഈശ്വറിന് ജാമ്യം. തിരുവനന്തപുരം ജില്ലാ സെഷന്സ് കോടതിയാണ് ഉപാധികളോടെ രാഹുലിന് ജാമ്യം അനുവദിച്ചത്.
അതിജീവിതയുടെ പരാതിയില് തിരുവനന്തപുരം സൈബര് പോലിസ് ആണ് രാഹുല് ഈശ്വറിനെ കസ്റ്റഡിയിലെടുത്തത്. അതിജീവിതയുടെ വ്യക്തിത്വം വെളിപ്പെടുത്തല്, സ്ത്രീത്വത്തെ അപമാനിക്കല്, ഇലക്ടോണിക് സംവിധാനങ്ങളുടെ ദുരുപയോഗം, ലൈംഗിക ചുവയുള്ള പരാമര്ശങ്ങള് തുടങ്ങിയ വകുപ്പുകളാണ് രാഹുല് ഈശ്വറിനെതിരേ ചുമത്തിയിരിക്കുന്നത്. 16 ദിവസം റിമാന്ഡില് കഴിഞ്ഞ ശേഷമാണ് രാഹുല് ഈശ്വര് പുറത്തിറങ്ങുന്നത്.
അതേസമയം, ബലാല്സംഗ കേസില് രാഹുല് മാങ്കൂട്ടത്തില് എംഎല്എ നല്കിയ മുന്കൂര് ജാമ്യഹരജി പരിഗണിക്കുന്നത് ഹൈക്കോടതി ഇന്നു മാറ്റി.വ്യാഴാഴ്ചയാണ് ഇനി കേസ് പരിഗണിക്കുക. അതുവരെ രാഹുല് മാങ്കൂട്ടത്തിലിനെ അറസ്റ്റ് ചെയ്യുന്നതിനും വിലക്കുണ്ട്. ആദ്യകേസിലെ മുന്കൂര് ജാമ്യാപേക്ഷ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയതോടെയാണ് രാഹുല് ഹൈക്കോടതിയെ സമീപിച്ചത്.