ന്യൂഡല്‍ഹി: പഞ്ചാബ് മുന്‍ മുഖ്യമന്ത്രി അമരീന്ദര്‍ സിങിനെതിരേ നിലപാട് കടുപ്പിക്കാന്‍ കോണ്‍ഗ്രസ് ഹൈക്കമാന്റിന്റെ നീക്കം. മുഖ്യമന്ത്രി സ്ഥാനത്ത് നിന്നും നീക്കിയ അമരീന്ദറുമായി തല്‍ക്കാലം അനുനയ നീക്കങ്ങള്‍ വേണ്ടെന്നും പാര്‍ട്ടി നിര്‍ദേശം നല്‍കിയിട്ടുണ്ട്. അമരീന്ദര്‍ സിംഗിന്റെ വിശ്വസ്തരെ പുതിയ മന്ത്രിസഭയില്‍ നിന്ന് ഒഴിവാക്കുമെന്നും സൂചനയുണ്ട്.
പഞ്ചാബ് മുഖ്യമന്ത്രി സ്ഥാനത്ത് നിന്നും മാറ്റിയതിന് പിന്നാലെ കോണ്‍ഗ്രസ് ദേശീയ നേതൃത്വത്തിനെതിരെ ആഞ്ഞടിച്ച് ക്യാപ്റ്റന്‍ അമരീന്ദര്‍ സിംഗ് രംഗത്തെത്തിയിരുന്നു. പിസിസി അധ്യക്ഷനായ നവജ്യോത് സിദ്ദു വരാനാരിക്കുന്ന നിയമസഭാ തിരഞ്ഞെടുപ്പില്‍ ജയിക്കില്ലെന്ന് ഉറപ്പാക്കുമെന്നും വ്യക്തമാക്കിയിരുന്നു. ക്യാപ്റ്റന്‍ രാഹുല്‍ ഗാന്ധിക്കും പ്രിയങ്കാ ഗാന്ധിക്കും രാഷ്ട്രീയ അനുഭവ പരിചയമില്ലെന്നും കുറ്റപ്പെടുത്തിയിരുന്നു.