പുതുച്ചേരി കേന്ദ്രഭരണ പ്രദേശത്ത് വോട്ടെടുപ്പ് പുരോഗമിക്കുന്നു; പോളിങ് സ്‌റ്റേഷനുകളിൽ വോട്ടർമാരുടെ നീണ്ട നിര

പുതുച്ചേരി : കർശനമായ സുരക്ഷാ ക്രമീകരണങ്ങൾക്കിടെ പുതുച്ചേരി കേന്ദ്രഭരണ പ്രദേശത്ത് വോട്ടെടുപ്പ് പുരോഗമിക്കുന്നു. എൻഡിഎയും പ്രതിപക്ഷ ഇന്ത്യാ സഖ്യവും തമ്മിലുള്ള പോരാട്ടത്തിൽ ഏകദേശം 9.50 ലക്ഷം വോട്ടർമാരാണ് വിധി രേഖപ്പെടുത്തുന്നത്.

മൊത്തം 30 നിയമസഭ മണ്ഡലങ്ങളാണ് ഉള്ളത്. പുതുച്ചേരിയിൽ 23 മണ്ഡലങ്ങൾ, കാരക്കാലിൽ അഞ്ച് മണ്ഡലങ്ങൾ, മാഹെയും യാനവും ഓരോ മണ്ഡലങ്ങളാണ്.

സ്ത്രീ വോട്ടർമാർ 5.03 ലക്ഷവും പുരുഷ വോട്ടർമാർ 4.46 ലക്ഷവും ഉണ്ട് .

ആകെ 1,099 പോളിംഗ് സ്റ്റേഷനുകളാണ് ഒരുക്കിയിരിക്കുന്നത്. ഇതിൽ 209 എണ്ണം സങ്കീർണ്ണ മേഖലകളായി തിരിച്ചറിഞ്ഞിട്ടുണ്ട്. 294 സ്ഥാനാർത്ഥികളാണ് ഇത്തവണ മത്സര രംഗത്തുള്ളത്.

AINRCയുടെ നേതൃത്വത്തിലുള്ള എൻഡിഎയും കോൺഗ്രസ്, ഡിഎംകെ, വിസികെ എന്നിവ അടങ്ങുന്ന ഇന്ത്യാ സഖ്യവും പ്രധാന മത്സരാർത്ഥികളാണ്. അതേസമയം, നടൻ-രാഷ്ട്രീയ നേതാവ് വിജയ് നയിക്കുന്ന ടിവികെയുടെ പ്രവേശനം തിരഞ്ഞെടുപ്പിനെ കൂടുതൽ ശ്രദ്ധേയമാക്കുന്നുണ്ട്.