മഞ്ചേരി: കൊവിഡ് 19 വ്യാപനം തടയുന്നതിനായി ഏര്‍പ്പെടുത്തിയ ലോക്ഡൗണ്‍ ലംഘിച്ചതുമായി ബന്ധപ്പെട്ട് മഞ്ചേരിയില്‍ 7 പേര്‍ക്കെതിരേ പോലിസ് കേസെടുത്തു. മഞ്ഞപ്പറ്റയില്‍ ചായക്കട തുറന്ന് പ്രവര്‍ത്തിച്ചതുമായി ബന്ധപ്പെട്ട് തരിയംകുളം അബൂബക്കറിനെ (55)തിരേ ഇന്ത്യന്‍ പീനല്‍ കോഡിലെ 188/269, കേരള പോലിസ് ആക്റ്റ് 118ഇ വകുപ്പുകള്‍ പ്രകാരവും പയ്യാനാട് മലബാര്‍ ക്രഷര്‍ തുറന്ന് പ്രവര്‍ത്തിച്ചതിന് പയ്യനാട് പള്ളിക്കര ഷരീഫ്(51), ആനക്കയം കക്കാട് ചാലിയം മുഹമ്മദ് ശാഫി(33) എന്നിവരെ ഐപിസി 188/269, കേരള പോലീസ് ആക്റ്റ് 118ഇ വകുപ്പുകള്‍ പ്രകാരവും മഞ്ചേരി പോലിസ് കേസെടുത്തു. കൂടെ മംഗലശ്ശേരി വല്ലാഞ്ചിറ മുനീര്‍ (47), മംഗലശ്ശേരി തെങ്ങില്‍ തൊടി റഹീം(40), കരുവമ്പ്രം പുത്തലത്ത് ഫൈസല്‍ (36), മേലാക്കം പൂളകുന്നന്‍ നൗഷാദ്(42) എന്നിവര്‍ക്കെതിരേയും പോലിസ് കേസെടുത്തു.