ന്യൂഡല്ഹി: ജോ ബൈഡനുമായി ഫോണില് സംസാരിച്ച് പ്രധാനമന്ത്രി നരേന്ദ്ര മോദി. ഇന്ത്യ-അമേരിക്ക ബന്ധം കൂടുതല് ശക്തമായി മുന്നോട്ട് പോകുമെന്ന് പ്രധാനമന്ത്രി പറഞ്ഞു. ബൈഡന്റെ വിജയത്തില് പ്രധാനമന്ത്രി, ഇന്ത്യയുടെ അഭിനന്ദനമറിയിക്കുകയും ചെയ്തു. കമല ഹാരിസിന്റെ വിജയം ഇന്ത്യന് സമൂഹത്തിന്റെയാകെ വിജയമാണെന്നും മോദി പറഞ്ഞു. കൊവിഡ് വ്യാപനം, കാലാവസ്ഥ വ്യതിയാനം തുടങ്ങിയവയില് ഒരുമിച്ച് പ്രവര്ത്തിക്കുമെന്ന് ജോ ബൈഡന് മോദി ഉറപ്പുനല്കുകയും ചെയ്തു. നേരത്തെ ട്രംപിനെ വീണ്ടും വിജയിപ്പിക്കണമെന്ന് മോദി അമേരിക്കയിലെ ഇന്ത്യക്കാരോട് ആവശ്യപ്പെട്ടിരുന്നു. ഹൗഡി മോദി പരിപാടിക്കിടെ പ്രസംഗിക്കുമ്പോള് ആയിരുന്നു മോദി 'അബ് കി ബാര് ട്രംപ് സര്ക്കാര്' എന്ന് ആഹ്വാനം ചെയ്തത്. ട്രംപ് സര്ക്കാറിനെ വീണ്ടും അധികാരത്തിലെത്തിക്കണമെന്നായിരുന്നു മോദിയുടെ ആഹ്വാനം.