മലപ്പുറം: പ്ലസ് വണ്‍ സീറ്റ് പ്രതിസന്ധിയില്‍ മലപ്പുറം ജില്ലയിലെ പ്രശ്‌നങ്ങള്‍ പരിഹരിക്കണമെന്ന് ആവശ്യപ്പെട്ട് കാംപസ് ഫ്രണ്ട് ഓഫ് ഇന്ത്യ മലപ്പുറം ജില്ലാ കമ്മിറ്റിയുടെ ആഭിമുഖ്യത്തില്‍ ഓഗസ്റ്റ് 22,23,24 തിയ്യതികളില്‍ സംഘടിപ്പിക്കുന്ന വിദ്യാര്‍ഥി പ്രക്ഷോഭ ജാഥയുടെ സ്വാഗതസംഘം രൂപീകരിച്ചു.
'താല്‍ക്കാലിക സീറ്റുകളെന്ന ഔദാര്യമല്ല, ശാശ്വത പരിഹാരമാണ് മലപ്പുറത്തിനാവശ്യം' എന്ന പ്രമേയത്തില്‍ നടത്തുന്ന പ്രക്ഷോഭ ജാഥയില്‍ ജില്ലാ പ്രസിഡന്റ് സുഹൈബ് ഒഴൂര്‍ ജാഥാ ക്യാപ്റ്റനും വി എസ് അര്‍ഷഖ് ഷര്‍ബാസ്, ജിഹാന്‍ ബഷീര്‍ എന്നിവര്‍ വൈസ് ക്യാപ്റ്റന്മാരുമാണ്. യൂനുസ് വെന്തൊടിയാണ് ജാഥാ മനേജര്‍.ശാമിര്‍ എടവണ്ണ,ജുഹാന ഹസീന്‍,മുഹമ്മദ് അലി,മുസ്തഫ വളാഞ്ചേരി,സഫ്‌വാന്‍ അയങ്കലം എന്നിവരെ ജാഥാഗംങ്ങളായും തിരഞ്ഞെടുത്തു.