പരപ്പനങ്ങാടി: ഇക്കഴിഞ്ഞ എസ്എസ്എല്സി(എച്ച്ഐ)പരീക്ഷയില് ഇത്തവണയും പരപ്പനങ്ങാടി കൊടക്കാട് ബധിര വിദ്യാലയത്തിലെ കുട്ടികള് നൂറ് ശതമാനം വിജയം നേടി. ഇത് 19ാം തവണയാണ് ഈ വിദ്യാലയം ഈ നൂറ് ശതമാനം വിജയം നേടുന്നത്. മലപ്പുറം, പാലക്കാട്, കോഴിക്കോട് ജില്ലകളില് നിന്നുമുള്ള ശ്രവണ വൈകല്യങ്ങളുള്ള കുട്ടികളാണ് ഈ റസിഡന്ഷ്യല് സ്പെഷ്യല് സ്കൂളില് പഠിക്കുന്നത്.
അസോസിയേഷന് ഫോര് ദി വെല്ഫെയര് ഓഫ് ദി ഹാന്റിക്യാപ്ഡ് എന്ന വികലാംഗ ക്ഷേമ സന്നദ്ധ സംഘടനയുടെ നേതൃത്വത്തില് 1992 ലാണ് ഈ സ്കൂള് പ്രവര്ത്തനമാരംഭിച്ചത്. പഠനത്തിനു പുറമെ മറ്റ് പല പ്രവര്ത്തനങ്ങളിലും സ്കൂള് ഏറെ മുന്നിലാണ്.