ന്യൂഡല്ഹി: ആഗോള വിപണിയില് എണ്ണവിലയില് ഇടിഞ്ഞു. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വിലയില് ബാരലിന് 0.59 ശതമാനത്തിന്റെ ഇടിവാണ് രേഖപ്പെടുത്തിയത്. നിലവില് ബാരലിന് 95 ഡോളറില് താഴെയാണ് എണ്ണവില.
പശ്ചിമേഷ്യയില് നിന്നുള്ള എണ്ണ വിതരണ തടസ്സങ്ങള് നീണ്ടുനില്ക്കുമെന്ന ആശങ്കകള്ക്കിടയിലും യുഎസ്-ഇറാന് സമാധാന ചര്ച്ചകള് ഉടന് നടക്കുമെന്ന പ്രതീക്ഷകളാണ് എണ്ണവില കുറയാന് കാരണം.