ഇതര സംസ്ഥാനങ്ങളിലേക്ക് ഒഡീഷ അയച്ചത് 2516.882 മെട്രിക് ടണ് മെഡിക്കല് ഓക്സിജന്
ഭുവനേശ്വര്: കൊവിഡ് വ്യാപനത്തെത്തുടര്ന്ന് ഓക്സിജന് ക്ഷാമം രൂക്ഷമായ ഇതര സംസ്ഥാനങ്ങളിലേക്ക്് ഒഡീഷ ഇതുവരെ അയച്ചത് 2516.882 മെട്രിക് ടണ് മെഡിക്കല് ഓക്സിജന്. 135 ടാങ്കറുകളിലായാണ് ഒഡീഷ ഇത്രയും ഓക്സിജന് അയച്ചുകൊടുത്തത്.
റൂര്ക്കല, ജജ്പൂര്, ധേന്കനല്, ആന്ഗുല് ജില്ലകിളില് നിന്നാണ് 135 ടാങ്കറുകളിലായി 2516.882 മെട്രിക് ടണ് മെഡിക്കല് ഓക്സിജന് അയച്ചുകൊടുത്തത്. ഒഡീഷ പോലിസിന്റെ മുന്കയ്യിലാണ് ഓക്സിജന് വിതരണം ചെയ്യുന്നത്.
ആന്ഗുലില് നിന്ന് 19 ടാങ്കറുകളിലായി 300 മെട്രിക് ടണ് ഓക്സിജന് അയച്ചു. ധേന്കനലില് നിന്ന് 374.19 മെട്രിക് ടണ്, ജജ്പൂരില് നിന്ന് 38 ടാങ്കറുകളിലായി 792.55 മെട്രിക് ടണ്, റൂര്കലയില് നിന്ന് 55 ടാങ്കറുകളിലായി 1049.303 മെട്രിക് ടണ് എന്നിങ്ങനെയാണ് അയച്ചത്.
ഇതില് 42 ടാങ്കറുകളിലായി 889.55 മെട്രിക് ടണ് ആന്ധ്രപ്രദേശിലേക്കും 38 ടാങ്കറുകളിലായ 655 മെട്രിക് ടണ് ഓക്സിജന് തെലങ്കാനയിലേക്കും മൂന്ന് ടാങ്കറുകളിലായി 53.46 ടണ് ഓക്സിജന് തമിഴ്നാട്ടിലേക്കും 9 ടാങ്കറുകളിലായി 216.092 ടണ് ഓക്സിജന് ഹരിയാനയിലേക്കും അയച്ചു.
6 ടാങ്കറുകളില് 112.06 ടണ് മഹാരാഷ്ട്രയിലേക്ക് അയച്ചിട്ടുണ്ട്. ഇതിനു പുറമെ 10.6.681 ടണ് ഓക്സിജനുമായി 7 ടാങ്കറുകള് ഛത്തിസ്ഗഢിലേക്കും അയച്ചിട്ടുണ്ട്. 12 ടാങ്കളാണ് 212.85 ടണ് ഓക്സിജനുമായി യുപിയിലേക്ക് അയച്ചത്.
നവീന് പട്നായിക്കിന്റെ നിര്ദേശപ്രകാരം സംസ്ഥാനത്ത് ഓക്സിജന് വിതരണവും ഉദ്പാദനവും നിയന്ത്രിക്കാന് പ്രത്യേക കമ്മിറ്റിയെ നിയോഗിച്ചിട്ടുണ്ട്.