കെ റെയില്‍ പദ്ധതിക്കെതിരേ യുഡിഎഫുമായി ചേര്‍ന്ന് സമരത്തിനില്ലെന്ന് കെ സുരേന്ദ്രന്‍
പോലിസിനെ ഉപയോഗിച്ച് സമരത്തെ അടിച്ചമര്‍ത്താന്‍ ശ്രമിച്ചാല്‍ കൈയും കെട്ടി നില്‍ക്കില്ലെന്നും സുരേന്ദ്രന്‍ പറഞ്ഞു
തിരുവനന്തപുരം: കെ റെയില്‍ പദ്ധതിക്കെതിരെ യുഡിഎഫുമായി ചേര്‍ന്ന് സമരത്തിനില്ലെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍.പോലിസിനെ ഉപയോഗിച്ച് സമരത്തെ അടിച്ചമര്‍ത്താന്‍ ശ്രമിച്ചാല്‍ കൈയും കെട്ടി നില്‍ക്കില്ലെന്നും സുരേന്ദ്രന്‍ പറഞ്ഞു.
കെ റെയില്‍ കേരളത്തിന്റെ സമ്പദ്ഘടനയെ ബാധിക്കും.സമരം ഭൂമി നഷ്ടപ്പെടുന്നവരുടേത് മാത്രമല്ല, കേരളത്തിന്റെ മുഴുവന്‍ പ്രശ്‌നമാണെന്നും സുരേന്ദ്രന്‍ പറഞ്ഞു. ചങ്ങനാശേരി സമരഭൂമിയാണ്.ചങ്ങനാശേരിയെന്ന് കേള്‍ക്കുമ്പോള്‍ കോടിയേരിക്ക് എന്തോ പ്രശ്‌നമുണ്ട്. ചങ്ങനാശേരിയെന്ന് കേള്‍ക്കുമ്പോള്‍ ബുദ്ധിമുട്ട് തോന്നുകയാണെങ്കില്‍ മറുപടി പറയേണ്ടത് അവരാണ്.
കൊച്ചി മെട്രോയിലെ അപാകത ഇ ശ്രീധരന്‍ തന്നെയാണ് പറഞ്ഞത്. മറ്റാരും കണ്ടത്തിയതല്ല. അതിനുളള പരിഹാരവും അദ്ദേഹം തന്നെ പറയുമെന്നും സുരേന്ദ്രന്‍ പറഞ്ഞു.കാര്യങ്ങള്‍ മനസിലാക്കാതെയുളള പ്രതികരണമാണ് മുന്‍ ഡിജിപി ജേക്കബ് തോമസ് നടത്തിയതെന്ന് സുരേന്ദ്രന്‍ കുറ്റപ്പെടുത്തി.ജേക്കബ് തോമസ് പദ്ധതിയെ അനുകൂലിച്ചിരുന്നു,അത്തരം അഭിപ്രായങ്ങള്‍ക്ക് പ്രസക്തിയില്ലെന്നും സുരേന്ദ്രന്‍ പറഞ്ഞു.