മുട്ടില്‍ മരം മുറി കേസ്: ഒന്നാം പ്രതിയെ കണ്ണൂര്‍ സെന്‍ട്രല്‍ ജയിലിലേക്കു മാറ്റി
മാനന്തവാടി: മുട്ടില്‍ മരംമുറി കേസില്‍ മാനന്തവാടി ജില്ലാ ജയിലില്‍ കഴിയുന്ന പ്രതികള്‍ ജയില്‍ അധികൃതരെ ഭീഷണിപ്പെടുത്തിയതായി പരാതി. പ്രതി റോജി അഗസ്റ്റിനാണ് ജയില്‍ അധികൃതരെ ഭീഷണിപ്പെടുത്തുന്നത്. ഇയാളെ കണ്ണൂര്‍ സെന്‍ട്രല്‍ ജയിലിലേക്ക് മാറ്റി. ഇയാള്‍ നിരന്തരം അച്ചടക്ക ലംഘനം നടത്തുന്നതായി കോടതിക്ക് ബോധ്യപ്പെട്ടിരുന്നു. കണ്ണൂരില്‍ ഏകാംഗ സെല്ലില്‍ താമസിപ്പിക്കാന്‍ സാധ്യത.
ഇന്നലെ കണ്ണൂരിലേക്ക് കൊണ്ടുപോയ റോജിയെ 7 ദിവസത്തെ ക്വാറന്റീനു ശേഷമാണ് സെല്ലിലേക്ക് മാറ്റുക. മറ്റൊരു പ്രതിയായ ആന്റോ അഗസ്റ്റിന്‍ മാനന്തവാടി ജയിലില്‍ത്തന്നെ തുടരും.