'മുന്നോട്ട്' ; ക്ലാസ്മുറികളിലെ ബാക്ക്ബെഞ്ച് രീതി മാറ്റാന് ആഗ്രഹിക്കുന്നുവെന്ന് വിദ്യാഭ്യാസമന്ത്രി വി ശിവന്കുട്ടി
തിരുവനന്തപുരം: ക്ലാസ്മുറികളില് നിന്ന് ബാക്ക്ബെഞ്ച് എന്ന രീതി ഒഴിവാക്കാന് ആഗ്രഹിക്കുന്നുവെന്ന് വിദ്യാഭ്യാസമന്ത്രി വി ശിവന്കുട്ടി. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം വ്യക്തമാക്കിയത്. വിദ്യാഭ്യാസരീതിക്ക് അനുയോജ്യമായ ഏറ്റവും മികച്ച മാതൃക കണ്ടെത്താന് വിദഗ്ധരുടെ ഒരു സമിതിയെ നിയോഗിക്കാന് തീരുമാനിച്ചതായും അദ്ദേഹം അറിയിച്ചു.
ഫെയ്ബുക്ക് പോസ്റ്റിന്റെ പൂര്ണരൂപം...
പ്രിയപ്പെട്ടവരെ,
നമ്മുടെ സ്കൂള് ക്ലാസ് മുറികളില്നിന്ന് 'പിന്ബെഞ്ചുകാര്' എന്നൊരു സങ്കല്പ്പം ഒഴിവാക്കാന് ആഗ്രഹിക്കുന്നു. ഈ സങ്കല്പം ഒരു വിദ്യാര്ഥിയുടെ ആത്മവിശ്വാസത്തെയും പഠനത്തെയും പ്രതികൂലമായി ബാധിക്കാന് സാധ്യതയുണ്ട്.ഒരു കുട്ടിയും പഠനത്തിലോ ജീവിതത്തിലോ പിന്നോട്ട് പോകാന് പാടില്ല. എല്ലാ കുട്ടികള്ക്കും തുല്യ അവസരങ്ങള് ഉറപ്പാക്കുക എന്നതാണ് നമ്മുടെ ലക്ഷ്യം. ഇത് എങ്ങനെ പ്രാവര്ത്തികമാക്കാം എന്നതിനെക്കുറിച്ച് നമ്മള് ആലോചിക്കുന്നു. പിന്ബെഞ്ചുകാര് എന്ന ആശയം ഇല്ലാതാക്കാന് പല രാജ്യങ്ങളും പല മാതൃകകളും പിന്തുടരുന്നുണ്ട്.
നമ്മുടെ വിദ്യാഭ്യാസരീതിക്ക് അനുയോജ്യമായ ഏറ്റവും മികച്ച മാതൃക കണ്ടെത്താന് വിദഗ്ധരുടെ ഒരു സമിതിയെ നിയോഗിക്കാന് തീരുമാനിച്ചു. ഈ സമിതിയുടെ നിര്ദ്ദേശങ്ങള് പരിഗണിച്ച് നമുക്ക് മുന്നോട്ട് പോകാം.നമ്മുടെ കുട്ടികളുടെ മികച്ച ഭാവിക്കായി നിങ്ങളുടെ എല്ലാവിധ പിന്തുണയും തേടുന്നു.