കൊടുങ്ങല്ലൂര്‍: സംസ്ഥാന വിനോദ സഞ്ചാര പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഇന്ത്യയിലെ ആദ്യത്തെ മുസ്‌ലിം പള്ളിയായ ചേരമാന്‍ ജുമാ മസ്ജിദ് സന്ദര്‍ശിച്ചു.
ഒന്നരക്കോടിയിലധികം രൂപ ചിലവഴിച്ച് പള്ളിയില്‍ നടത്തിയ പുനരുദ്ധാരണ പ്രവര്‍ത്തനങ്ങളില്‍ മന്ത്രി സംതൃപ്തി അറിയിച്ചു. വി ആര്‍ സുനില്‍ കുമാര്‍ എംഎല്‍എ, മുസിരിസ് പൈതൃക പദ്ധതി മാനേജിംഗ് ഡയറക്ടര്‍ പി എ നൗഷാദ്, നഗരസഭാ വൈസ് ചെയര്‍മാന്‍ കെ ആര്‍ ജൈത്രന്‍ എന്നിവരും മന്ത്രിയോടൊപ്പമുണ്ടായിരുന്നു.
മഹല്ല് പ്രസിഡന്റ് ഡോ. പി എ മുഹമ്മദ് സഈദ്, അഡ്മിനിസ്‌ട്രേറ്റര്‍ ഇ ബി ഫൈസല്‍, ഇമാം സലിം നദ് വി,
വൈസ് പ്രസിഡന്റ് ഡോ.അബ്ദുറഹ്മാന്‍, ട്രഷറര്‍ അബ്ദുള്‍ കരിം തുടങ്ങിയവര്‍ ചേര്‍ന്ന് മന്ത്രിയെ സ്വീകരിച്ചു.