മലബാര് സൗഹൃദവേദിയുടെ പ്രതിഭാപുരസ്കാരം സമ്മാനിച്ചു
കലാകാരന്മാരുടെയും സാംസ്കാരിക പ്രവര്ത്തകരുടെയും കൂട്ടായ്മയായ മലബാര് സൗഹൃദ വേദി ഏര്പ്പെടുത്തിയ അഞ്ചാമത് പ്രതിഭാ പുരസ്കാരമാണ് ഈ വര്ഷം നല്കിയത്.
പെരിന്തല്മണ്ണ: മലബാര് സൗഹൃദവേദിയുടെ ഈ വര്ഷത്തെ പ്രതിഭാപുരസ്കാരം അഡ്വ. എംസി ആഷി, ഡോ. എ ഷാജി, കെ ആര് രവി എന്നിവര്ക്ക് സമ്മാനിച്ചു. കലാകാരന്മാരുടെയും സാംസ്കാരിക പ്രവര്ത്തകരുടെയും കൂട്ടായ്മയായ മലബാര് സൗഹൃദ വേദി ഏര്പ്പെടുത്തിയ അഞ്ചാമത് പ്രതിഭാ പുരസ്കാരമാണ് ഈ വര്ഷം നല്കിയത്. സോഷ്യല് മീഡിയ ആക്ടിവിസ്റ്റ് അഡ്വ. എം സി ആഷി, പൊതുജനാരോഗ്യ രംഗത്തെ പ്രശസ്ത ഡോക്ടര് എ ഷാജി, സാമൂഹ്യ പ്രവര്ത്തകര് കെ ആര് രവി എന്നിവര്ക്കാണ് ഈ വര്ഷം പുരസ്കാരങ്ങള് നല്കിയത്. പെരിന്തല്മണ്ണ ഐഎംഎ ഹാളില് നടന്ന ചടങ്ങില് മഞ്ഞളാം കുഴി അലി എംഎല്എ പുരസ്കാരങ്ങള് സമ്മാനിച്ചു.15000 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്ക്കാരം. പെരിന്തല്മണ്ണ നഗരസഭ ചെയര്മാന് എം മുഹമ്മദ് സലിം ചടങ്ങില് അധ്യക്ഷത വഹിച്ചു. സ്റ്റേറ്റ് ലൈബ്രറി കൗണ്സില് എക്സിക്യൂട്ടീവ് കമ്മിറ്റി അംഗം പി കെ സുധാകരന്, താഴെക്കോട് ഗ്രാമപ്പഞ്ചായത്ത് പ്രസിഡന്റ് എകെ നാസര്, ഭക്ഷ്യ സുരക്ഷാ കമ്മീഷന് അംഗം വി രമേശന്, അഡ്വക്കേറ്റ് സഫറുല്ല മഞ്ചേരി, കെപിസിസി അംഗം സി സേതുമാധവന്, മുസ്ലിം ലീഗ് മണ്ഡലം പ്രസിഡന്റ് എ കെ നാസര്, ബിജെപി സംസ്ഥാന കൗണ്സിലര് എ ശിവദാസന്, സായി സ്നേഹതീരം പ്രസിഡന്റ് കെ പി രാമചന്ദ്രന്, വ്യാപാരി സംഘടന പ്രതിനിധികളായ ചമയം ബാപ്പു, കെ സുബ്രഹ്മണ്യന്, അമൃതം ആയുര്വേദ ആശുപത്രി ചീഫ് ഫിസിഷ്യന് ഡോക്ടര് പി കൃഷ്ണദാസ്, പെരിന്തല്മണ്ണ പ്രസ് ഫോറം പ്രസിഡന്റ് മാങ്ങോട്ടില് ബാലകൃഷ്ണന് മലബാര് സൗഹൃദവേദി കണ്വീനര് ബിജുമോന് പന്തിരുകുലം, പ്രസിഡന്റ് പി ബി മനോജ് കുമാര്, സെക്രട്ടറിമാരായ സുഭാഷ് തോടയം,ദിനേശന് നെല്ലായ സംസാരിച്ചു.