വണ്ടിപ്പെരിയാര്‍ പീഢനക്കൊലയില്‍ ബാലാവകാശ കമ്മിഷന്‍ കേസെടുക്കുന്നില്ല; മഹിളാ കോണ്‍ഗ്രസ് മാര്‍ച്ചില്‍ നേരിയ സംഘര്‍ഷം
തിരുവനന്തപുരം: വണ്ടിപ്പെരിയാറില്‍ ബാലികയെ പീഢിപ്പിച്ച് കൊലപ്പെടുത്തിയ സംഭവത്തില്‍ ബാലാവകാശ കമ്മിഷന്‍ കേസെടുക്കുന്നില്ലെന്ന് ആരോപിച്ച് മഹിളാ കോണ്‍ഗ്രസ് പ്രതിഷേധം.
ബാലാവകാശ കമ്മിഷന്‍ ഓഫിസിലേക്ക് മഹിളാ കോണ്‍ഗ്രസ് പ്രവര്‍ത്തകര്‍ മാര്‍ച്ച് നടത്തി. അറസ്റ്റിനിടെ പ്രതിഷേധക്കാരും പോലിസും തമ്മില്‍ നേരിയ സംഘര്‍ഷമുണ്ടായി. പ്രവര്‍ത്തകരെ പോലിസ് അക്രമിച്ചു എന്നാരോപിച്ച് സമരക്കാര്‍ റോഡില്‍ കുത്തിയിരുന്നു പ്രതിഷേധിച്ചു. പിന്നീട് സമരക്കാരെ പോലിസ് അറസ്റ്റ് ചെയ്ത് നീക്കി.
അതിനിടെ, കമ്മിഷന്‍ കെട്ടിടത്തോട് ചേര്‍ന്ന ഭാഗത്ത് നിര്‍മാണത്തിലിരുന്ന മതില്‍ ഇടിഞ്ഞ് വീണ് ഒരു വനിതാ പോലിസ് ഉദ്യോഗസ്ഥക്ക് പരിക്കേറ്റു. പരിക്ക് ഗുരുതരമല്ല.